Մաքսային միության անդամ պետությունների մաքսային ծառայությունների միավորված կոլեգիա
ՈՐՈՇՈՒՄ
7 դեկտեմբերի 2012 թվականի թիվ 6/14 քաղ. Ալմաթի
Մաքսային մարմնի պաշտոնատար անձի կողմից մաքսային փորձաքննության ուղարկվող ապրանքների փաստաթղթերի ցանկի մասին
Մաքսային միության անդամ պետությունների մաքսային ծառայությունների միավորված կոլեգիան որոշեց`
Ռուսաստանի ԴՄԾ-ին, Ղազախստանի Հանրապետության ՖՆ ՄՀԿ-ին և Բելառուսի Հանրապետության ՊՄԿ-ին՝ ղեկավարվել մաքսային մարմնի պաշտոնատար անձի կողմից մաքսային փորձաքննության ուղարկվող ապրանքների փաստաթղթերի ցանկով (կցվում է):
Նախագահ՝ Ա. Յու. Բելյանինով
Նախագահի տեղակալ՝ Մ. Տ. Յեսենբաև
Բելառուսի Հանրապետության ՊՄԿ-ի նախագահի տեղակալ, Միավորված կոլեգիայի անդամ՝ Ս.Վ. Բորիսյուկ
Հավելված
Մաքսային միության անդամ պետությունների մաքսային ծառայությունների միավորված կոլեգիայի թիվ 6/14 որոշման
Մաքսային մարմնի պաշտոնատար անձի կողմից մաքսային փորձաքննության ուղարկվող ապրանքների փաստաթղթերի ցանկը
1. Ներկայացվող փաստաթղթերի մատնանշմամբ ուղեկցող նամակը, էջերի քանակը (անհրաժեշտության դեպքում):
2. Մաքսային փորձաքննություն նշանակելու մասին որոշումը, բնօրինակը:
3. Ապրանքի փորձանմուշների և նմուշների ընտրության ակտը, բնօրինակը՝ ըստ «Մաքսային փաստաթղթերի ձևերի մասին» Մաքսային միության հանձնաժողովի 2010 թվականի մայիսի 20-ի թիվ 260 որոշման մեջ շարադրված ձևի:
4. Ապրանքների մասին հայտարարագրի պատճենը՝ ըստ «Մաքսային հայտարարագրերի լրացման ցուցումների և մաքսային հայտարարագրերի ձևերի մասին» Մաքսային միության հանձնաժողովի 2010 թվականի մայիսի 20-ի թիվ 257 որոշման մեջ շարադրված ձևի:
5. Առևտրային փաստաթղթերի պատճենները (հաշիվ-ապրանքագրեր (ինվոյս), պայմանագիր, մասնագրեր, բեռնառաքման և փաթեթավորման թերթիկներ):
6. Ապրանքի ծագման, համապատասխանության և որակի սերտիֆիկատների (որակի սերտիֆիկատ, անվտանգության (որակի) անձնագիր, վերլուծության սերտիֆիկատ, որակի հավաստագիր կամ պատրաստողի նամակներ)՝ օրենսդրությանը համապատասխան հաստատված պատճենները:
7. Բնօրինակի հիման վրա պատրաստված արտադրատեսակի տեխնիկական անձնագրի և դրա թարգմանության պատճենները:
8. Բացթողնվող արտադրանքի (ապրանքի) տեխնիկական պայմանները (կանոնակարգ) կամ ձեռնարկության ստանդարտը:
9. Գծագրերի, հավաքման սխեմաների պատճենները, ապրանքի հիմնական տեխնիկական առևտրային բնութագրերը:
10. Սեղմասկավառակի վրա վիդեոֆիլմը (առկայության դեպքում), ապրանքի (այդ թվում՝ պիտակների, ապրանքի վրա գրառումների) լուսանկարները:
11. Այլ փաստաթղթեր:
Հրապարակվել է կայքում 17 սեպտեմբերի 2015 թվական: