«Վավերացնում եմ»
Հայաստանի Հանրապետության
Նախագահ Ռ. Քոչարյան
9 հոկտեմբերի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
26 սեպտեմբերի 2002 թվականի N 1542-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՄԻԳՐԱՑԻԱՅԻ ԵՎ ՓԱԽՍՏԱԿԱՆՆԵՐԻ ՎԱՐՉՈՒԹՅԱՆԸ ԳՈՒՅՔ ՀԱՆՁՆԵԼՈՒ ՄԱՍԻՆ
Հայաստանի Հանրապետությունում հանգրվանած փախստական ընտանիքների բնակարանային հիմնախնդիրները լուծելու նպատակով Հայաստանի Հանրապետության կառավարությունը որոշում է.
1. Երևանի քաղաքապետարանի տնօրինության N 14 հանրակրթական գիշերօթիկ դպրոցի հանրակացարանային մասնաշենքը` 10783 հազար դրամ հաշվեկշռային արժեքով, հանձնել Հայաստանի Հանրապետության կառավարությանն առընթեր միգրացիայի և փախստականների վարչության տնօրինությանը` այն սահմանված կարգով միջազգային դոնոր կազմակերպությունների ֆինանսական միջոցներով վերակառուցելու և որպես բնակարաններ հանրակացարանում ու ժամանակավոր այլ կացարաններում բնակվող փախստական ընտանիքներին հատկացնելու համար:
2. Վերակառուցումից հետո սույն որոշման 1-ին կետում նշված շենքի բնակելի մակերեսի տաս տոկոսը հանձնել Երևանի քաղաքապետարանին` N 14 հանրակրթական գիշերօթիկ դպրոցի կարիքավոր աշխատողներին տրամադրելու համար:
3. Երևանի քաղաքապետին ու Հայաստանի Հանրապետության կառավարությանն առընթեր միգրացիայի և փախստականների վարչության պետին` մեկամսյա ժամկետում` սահմանված կարգով ավարտել շենքի հանձնման-ընդունման աշխատանքների կատարումը և գույքային իրավունքների պետական գրանցումը:
4. Հայաստանի Հանրապետության կառավարությանն առընթեր միգրացիայի և փախստականների վարչության պետին` շենքի վերակառուցման աշխատանքներն իրականացնել սահմանված կարգով մշակված ու հաստատված նախագծանախահաշվային փաստաթղթերի հիման վրա:
Հայաստանի Հանրապետության
վարչապետ Ա. Մարգարյան
2002 թ. հոկտեմբերի 4
Երևան