ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
12 նոյեմբերի 2015 թվականի N 1327-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՀՈՒՆԻՍԻ 23-Ի N 981-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՓԵՏՐՎԱՐԻ 26-Ի N 245-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2005 թվականի հունիսի 23-ի «Մշակութային արժեքների արտահանման կամ ժամանակավոր արտահանման իրավունքի վկայագիր տալու կարգը և ձևը հաստատելու մասին» N 981-Ն որոշման մեջ կատարել հետևյալ փոփոխությունները և լրացումները՝
1) որոշման վերնագրում, 1-ին կետի «ա» ենթակետում, որոշման N 1 հավելվածի վերնագրում, 1-ին, 2-րդ, 5.2-րդ, 5.3-րդ, 6-րդ, 7-րդ, 10-րդ, 11-րդ, 12-րդ, 13-րդ, 14-րդ, 15-րդ, 16-րդ, 17-րդ, 18-րդ, 18.1-ին և 20-րդ կետերում «վկայագիր» բառը և դրա համապատասխան հոլովաձևերը փոխարինել «վկայագիր (եզրակացություն (թույլատրող փաստաթուղթ)» բառերով և դրանց համապատասխան հոլովաձևերով.
2) որոշման նախաբանում «Մշակութային արժեքների արտահանման և ներմուծման մասին» Հայաստանի Հանրապետության օրենքի 7-րդ հոդվածի 5-րդ կետին համապատասխան» բառերը փոխարինել «Մշակութային արժեքների արտահանման և ներմուծման մասին» Հայաստանի Հանրապետության օրենքի 7-րդ հոդվածի 1-ին մասի 5-րդ կետին և 2014 թվականի մայիսի 29-ի «Եվրասիական տնտեսական միության մասին» պայմանագրի 29-րդ հոդվածի 1-ին մասի 4-րդ կետին համապատասխան» բառերով.
3) որոշման 1-ին կետի «բ» ենթակետը շարադրել հետևյալ խմբագրությամբ.
«բ) եզրակացության (թույլատրող փաստաթղթի) հայերեն և ռուսերեն տարբերակները` համաձայն N 2 հավելվածի:».
4) որոշման N 1 հավելվածում՝
ա. 2-րդ կետը «(այսուհետ` հայտատու)» բառերից հետո լրացնել «առձեռն կամ փոստով» բառերով,
բ. 4-րդ կետի «ա» ենթակետում «վկայականի պատճենը» բառերը փոխարինել «համարը» բառով,
գ. 5-րդ կետի «ա» ենթակետը շարադրել հետևյալ խմբագրությամբ.
«ա) արտահանման համար հայտագրված մշակութային արժեքի փորձագիտական եզրակացության պատճենը` բնօրինակի ներկայացմամբ, որը, գործընթացն ավարտելուց հետո, վերադարձվում է հայտատուին.»,
դ. 5.3-րդ կետում «երկու աշխատանքային օրվա» բառերը փոխարինել «երեք աշխատանքային օրվա» բառերով, ինչպես նաև կետը լրացնել հետևյալ բովանդակությամբ նոր նախադասությամբ.
«Հայտատուի ցանկության դեպքում եզրակացությունը (թույլատրող փաստաթուղթը) կարող է տրամադրվել ռուսերենով:»,
ե. 11-րդ կետը «անդորրագիրը» բառից հետո լրացնել «, պատճենը կամ պետական վճարումների էլեկտրոնային համակարգի կողմից գեներացված անդորրագիրը» բառերով.
5) որոշման N 2 հավելվածը շարադրել նոր խմբագրությամբ` համաձայն հավելվածի:
2. Ուժը կորցրած ճանաչել Հայաստանի Հանրապետության կառավարության 2004 թվականի փետրվարի 26-ի «Մշակութային արժեքների և մշակութային նշանակության առարկաների արտահանումը կարգավորելու մասին» N 245-Ն որոշումը:
3. Մինչև սույն որոշումն ուժի մեջ մտնելը մշակութային արժեքների արտահանման կամ ժամանակավոր արտահանման իրավունքի համար տրամադրված վկայագրերը գործում են մինչև դրանց գործողության ժամկետի ավարտը:
4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հայաստանի Հանրապետության
վարչապետ Հ. Աբրահամյան
2015 թ. նոյեմբերի 20
Երևան
Հավելված
ՀՀ կառավարության 2015 թվականի
նոյեմբերի 12-ի N 1327-Ն որոշման
«Հավելված N 2
ՀՀ կառավարության 2005 թվականի
հունիսի 23-ի N 981-Ն որոշման
(հայերեն)
Ե Զ Ր Ա Կ Ա Ց ՈՒ Թ Յ ՈՒ Ն
(թույլատրող փաստաթուղթ)
N /20 /____ _______
__________________________________________________________________________________
(եզրակացությունը տրամադրող Եվրասիական տնտեսական միության անդամ պետության թույլատրող լիազոր մարմնի անվանումը)
Տրվում է _________________________________________________________________
(կազմակերպության անվանումը, գտնվելու վայրը, երկիրը (ֆիզիկական անձի դեպքում` ա. ա. հ.)
____________________________________________________________________________________________________________
Տեղափոխման ձևը _________________________________________________________
(տեղափոխման ձևը)
____________________________
(ապրանքի միասնական ցանկի բաժինը) __________________________
(ԵԱՏՄ ԱՏԳ ԱԱ ծածկագիրը)
Ապրանքի անվանումը Քանակը Չափի միավորը
Ստացողը/ուղարկողը _______________________________________________________
(անվանումը (ա. ա. հ.), գտնվելու վայրը, երկիրը)
____________________________________________________________________________________________________________
Նշանակող/ուղարկող երկիրը _________________________________________________
Արտահանման նպատակը ____________________________________________________
Ժամանակավոր արտահանման ժամանակը _______________________________________
Հիմքը ___________________________________________________________________
________________________________________________________________________
________________________________________________________________________
________________________________________________________________________
Լրացուցիչ տեղեկատվություն_________________________________________________
________________________________________________________________________
Տարանցիկ երկիրը _________________________________________________________
(տարանցիկ տարածքը)
Ստորագրությունը __________ Տարեթիվը _________
Եզրակացությունն ուժի մեջ է մինչև ________
________________________
(ա. ա. հ.)
________________________
(պաշտոնը)
Կ. Տ.
(ռուսերեն)
З А К Л Ю Ч Е Н И Е
(разрешительный документ)
N /20 /____ _______
__________________________________________________________________________________
(наименование органа государственной власти государства-члена Евразийского экономического союза, выдавшего заключение)
Выдано _________________________________________________________________
(название организации, юридический адрес, страна (для физических лиц Ф. И. О.) )
____________________________________________________________________________________________________________
Вид перемещения ________________________________________________________
(Вид перемещения)
________________________________
(раздел единого перечня товаров) _______________________________
(код ТН ВЭД ТС)
Наименование товара Количество Единица измерения
Получатель/отправитель __________________________________________________
(название, юридический адрес, страна)
Страна назначения/отправления ___________________________________________
Цель вывоза ____________________________________________________________
Срок временного вывоза __________________________________________________
Основание: _____________________________________________________________
________________________________________________________________________
________________________________________________________________________
________________________________________________________________________
________________________________________________________________________
Дополнительная информация ______________________________________________
________________________________________________________________________
Страна транзита __________________________________________________________
(транзит по территории)
Подпись __________ Дата _________
Заключение действительно по ________
________________________
(Ф. И. О.)
МП ________________________ »:
(должность)
Հայաստանի Հանրապետության
կառավարության աշխատակազմի
ղեկավար-նախարար Դ. Հարությունյան