ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
20 նոյեմբերի 2015 թվականի N 1105-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2013 ԹՎԱԿԱՆԻ ՄԱՐՏԻ 25-Ի N 229-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
«Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասին համապատասխան`
1. Հայաստանի Հանրապետության վարչապետի 2013 թվականի մարտի 25-ի «Հայաստանի Հանրապետության գյուղատնտեսության նախարարության սննդամթերքի անվտանգության պետական ծառայության վերահսկողության ոլորտում գտնվող լաբորատորիայի միջազգային հավատարմագրմանն ուղղված միջոցառումների ժամանակացույցը հաստատելու մասին» N 229-Ա որոշման մեջ կատարել հետևյալ փոփոխությունները՝
1) որոշման հավելվածի 3-րդ կետի «Վերջնաժամկետը» սյունակում «2014 թ. դեկտեմբերի երրորդ տասնօրյակ» բառերը փոխարինել «2017 թ. օգոստոսի երրորդ տասնօրյակ» բառերով, իսկ «Ֆինանսավորման աղբյուրը» սյունակում «Պետական կառավարման մարմինների զարգացման համապարփակ ծրագիր» բառերը՝ «Հայաստանի Հանրապետության և Ռուսաստանի Դաշնության միջև 2015 թ. մայիսի 21-ին ստորագրված ֆինանսական աջակցության ծրագիր» բառերով.
2) որոշման հավելվածի 4-րդ կետի «Վերջնաժամկետը» սյունակում «2015 թ. հունիսի երրորդ տասնօրյակ» բառերը փոխարինել «2017 թ. նոյեմբերի երրորդ տասնօրյակ» բառերով:
Հայաստանի Հանրապետության
վարչապետ Հ. Աբրահամյան
2015 թ. նոյեմբերի 20
Երևան