ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
4 փետրվարի 2016 թվականի N 103-Ա
ԳՈՒՅՔԻ ՆՎԻՐԱՏՎՈՒԹՅՈՒՆՆ ԸՆԴՈՒՆԵԼՈՒ ԵՎ ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ
Հիմք ընդունելով Հայաստանի Հանրապետության քաղաքացիական օրենսգրքի 594-րդ և 605-րդ, ինչպես նաև Հայաստանի Հանրապետության հողային օրենսգրքի 89-րդ հոդվածները՝ Հայաստանի Հանրապետության կառավարությունը որոշում է.
1. Ընդունել Էջմիածնի քաղաքային համայնքի ավագանու 2015 թվականի դեկտեմբերի 18-ի N 90 որոշմամբ Հայաստանի Հանրապետության Արմավիրի մարզի Էջմիածին քաղաքի Մարգարայի խճուղու N 12 հասցեում գտնվող՝ համայնքային սեփականություն հանդիսացող՝ 5.5601 հեկտար մակերեսով հողամասի (այսուհետ՝ գույք) նվիրատվությունը Հայաստանի Հանրապետությանը:
2. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո երկամսյա ժամկետում Էջմիածնի քաղաքային համայնքի ղեկավարի հետ համատեղ ապահովել սույն որոշման 1-ին կետում նշված գույքի հանձնման-ընդունման աշխատանքների կատարումը, նվիրատվության մասին պայմանագրի կնքումը և գույքի նկատմամբ Հայաստանի Հանրապետության սեփականության իրավունքի պետական գրանցումը:
3. Սույն որոշման 2-րդ կետում նշված աշխատանքների ավարտից հետո գույքը նվիրաբերել «Հայաստանի ֆուտբոլի ֆեդերացիա» իրավաբանական անձանց միությանը (այսուհետ՝ ֆեդերացիա) (գտնվելու վայրը՝ քաղ. Երևան, Խանջյան 27)՝ ֆուտբոլի ակադեմիայի շենք և ենթակառուցվածքներ կառուցելու նպատակով:ուղղ.
4. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո եռամսյա ժամկետում ֆեդերացիայի հետ համատեղ ապահովել սույն որոշման 3-րդ կետում նշված գույքի հանձնման-ընդունման աշխատանքների կատարումը և նվիրաբերության մասին պայմանագրի կնքումը՝ դրանում սահմանելով, որ՝
1) ֆեդերացիան պարտավորվում է նվիրաբերության մասին պայմանագրի կնքման օրվանից սկսած՝ հինգ տարվա ընթացքում ֆուտբոլի ակադեմիայի շենքի և ենթակառուցվածքների կառուցման նպատակով իրականացնել 300.0 մլն դրամի չափով ներդրում.ուղղ.
2) նախատեսված ներդրման ծավալները հինգ տարվա ընթացքում խախտելու դեպքում նվիրաբերությունը վերացվում է, և կատարված ներդրումները ենթակա չեն վերադարձման.
3) նվիրաբերության մասին պայմանագրի նոտարական վավերացման և գույքային իրավունքների պետական գրանցման հետ կապված ծախսերն իրականացվելու են ֆեդերացիայի միջոցների հաշվին:
Հայաստանի Հանրապետության
վարչապետ Հ. Աբրահամյան
2016 թ. փետրվարի 11
Երևան