«Գրանցված է»
ՀՀ արդարադատության
նախարարության կողմից
11 մարտի 2016 թ.
Պետական գրանցման թիվ 10616079
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐ
18 փետրվարի 2016 թ. N 30-Ն
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐԻ 2005 ԹՎԱԿԱՆԻ ԴԵԿՏԵՄԲԵՐԻ 22-Ի N 268-Ն ՀՐԱՄԱՆՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասով.
Հրամայում եմ`
1. Հայաստանի Հանրապետության գյուղատնտեսության նախարարի 2005 թվականի դեկտեմբերի 22-ի «Հայաստանի Հանրապետությունում գրանցված անասնաբուժական դեղամիջոցների ցանկը հաստատելու մասին» N 268-Ն հրամանով հաստատված հավելվածը լրացնել նոր` 109-րդ, 110-րդ, 111-րդ և 112-րդ կետերով, հետևյալ բովանդակությամբ.
« 109. Թռչունների ինֆեկցիոն բրոնխիտ, Նյու-Քասլ և ձվատվության նվազեցման համախտանիշ հիվանդությունների նկատմամբ ակտիվազրկված Վաքս։օն ԻԲ.ՆԴ. ԵԴՍ ինակ (Vaxx:on IB.ND.EDS Inac) պատվաստանյութ Իտալիա «ԻԶՕ Ս.ռ.լ.» կազմակերպություն
110. Թռչունների ռեովիրուս վարակի, ինֆեկցիոն բրոնխիտ, Գամբորո և Նյու-Քասլ հիվանդությունների նկատմամբ ակտիվազրկված Վաքս։օն ՌԵՕ.ԻԲ.ԻԲԴ.ՆԴ ինակ (Vaxx:onREO.IB.IBD.ND Inac) պատվաստանյութ Իտալիա «ԻԶՕ Ս.ռ.լ.» կազմակերպություն
111. Թռչունների ինֆեկցիոն բրոնխիտ հիվանդության նկատմամբ չոր Վաքս։օն ԻԲ Հ120 (Vaxx:on IB H120) պատվաստանյութ Իտալիա «ԻԶՕ Ս.ռ.լ.» կազմակերպություն
112. Թռչունների ինֆեկցիոն բրոնխիտ և Նյու-Քասլ հիվանդությունների նկատմամբ կենդանի չոր Վաքս։օն ՑՀԲ 28/86 (Vaxx:on CHB 28/86) պատվաստանյութ Իտալիա «ԻԶՕ Ս.ռ.լ.» կազմակերպություն
»:
2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:
Նախարար` Ս. Կարապետյան