ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ «ՍՊԱՅԻ ՏՈՒՆ» ՊԵՏԱԿԱՆ ՀԻՄՆԱՐԿ ՍՏԵՂԾԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 ապրիլի 2016 թվականի N 438-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ «ՍՊԱՅԻ ՏՈՒՆ» ՊԵՏԱԿԱՆ ՀԻՄՆԱՐԿ ՍՏԵՂԾԵԼՈՒ ՄԱՍԻՆ

Ղեկավարվելով «Զորամասերի և զինվորական հաստատությունների կարգավիճակի մասին» Հայաստանի Հանրապետության օրենքի 7-րդ հոդվածի 1-ին և 3-րդ մասերով` Հայաստանի Հանրապետության կառավարությունը որոշում է.

1. Ստեղծել Հայաստանի Հանրապետության պաշտպանության նախարարության «Սպայի տուն» պետական հիմնարկ (այսուհետ` սպայի տուն):

2. Սպայի տան գտնվելու վայրն է` Հայաստանի Հանրապետություն, քաղ. Երևան, Մոսկովյան 5:

3. Սահմանել, որ սպայի տան գործունեության խնդիրները, նպատակները և գործառույթներն են`

1) զինծառայողների և նրանց ընտանիքների անդամների, զինծառայողներին հավասարեցված անձանց հոգևոր և մշակութային պահանջմունքների բավարարումը.

2) զորամասերում, ռազմաուսումնական և ռազմաբժշկական հաստատություններում մշակութային բնույթի միջոցառումներ կազմակերպելը, գեղագիտական և հայրենասիրական դաստիարակություն իրականացնելը.

3) երգի և պարի համույթների, գեղարվեստական, կրթական ու արհեստագործական տարբեր խմբակների կազմակերպումը.

4) բանակ-հասարակություն կապի ամրապնդումը և զինված ուժերի նկատմամբ դրական վերաբերմունքի ամրապնդումը:

4. Հայաստանի Հանրապետության պաշտպանության նախարարին` սույն որոշումն ուժի մեջ մտնելուց հետո եռամսյա ժամկետում`

1) հաստատել հիմնարկի կանոնադրությունը և կառուցվածքը, անձնակազմի թիվը, հանձնվող (ամրացվող) գույքի կազմը և դրա օգտագործման կարգը.

2) ապահովել հիմնարկի պետական հաշվառումը` Հայաստանի Հանրապետության պաշտպանության նախարարության միջոցների հաշվին:

Հայաստանի Հանրապետության

վարչապետ Հ. Աբրահամյան

2016 թ. մայիսի 2

Երևան