ՀԵՌՈՒՍՏԱՏԵՍՈՒԹՅԱՆ ԵՎ ՌԱԴԻՈՅԻ ԱԶԳԱՅԻՆ ՀԱՆՁՆԱԺՈՂՈՎ
2 օգոստոսի 2016 թ.
ք. Երևան թիվ 53-Ա
Ո Ր Ո Շ ՈՒ Մ
ՄԱՍՆԱՎՈՐ ՄՈՒԼՏԻՊԼԵՔՍՈՐԻ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ ՄՐՑՈՒՅԹԸ ՉԿԱՅԱՑԱԾ ՀԱՅՏԱՐԱՐԵԼՈՒ ՄԱՍԻՆ
Ղեկավարվելով «Հեռուստատեսության և ռադիոյի մասին» ՀՀ օրենքի 55.2-րդ հոդվածի և Հեռուստատեսության և ռադիոյի ազգային հանձնաժողովի 2016 թվականի ապրիլի 13-ի N 29-Ն որոշմամբ հաստատված «Մասնավոր մուլտիպլեքսորի գործունեության լիցենզավորման մրցույթի անցկացման կարգ»-ի 21-րդ կետի 1-ին ենթակետի դրույթներով և հաշվի առնելով, որ 2016 թվականի ապրիլի 30-ին հայտարարված մասնավոր մուլտիպլեքսորի գործունեության լիցենզավորման մրցույթին մասնակցելու դիմում չի ներկայացվել` Հեռուստատեսության և ռադիոյի ազգային հանձնաժողովը որոշեց.
1. 2016 թվականի ապրիլի 30-ին հայտարարված մասնավոր մուլտիպլեքսորի գործունեության լիցենզավորման մրցույթը հայտարարել չկայացած:
2. Սույն որոշումն ուժի մեջ է մտնում ընդունմանը հաջորդող օրվանից:
Հեռուստատեսության և ռադիոյի
ազգային հանձնաժողովի նախագահի
պաշտոնակատար
Ժ. Դադասյան