ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԽՈՐՀՈՒՐԴ
Կ Ա Ր Գ Ա Դ Ր ՈՒ Թ Յ ՈՒ Ն
12 փետրվարի 2016 թվականի թիվ 1 քաղ. Մոսկվա
2016 ԹՎԱԿԱՆԻՆ «ԵՎՐԱՍԻԱԿԱՆ ՇԱԲԱԹ» ՑՈՒՑԱՀԱՆԴԵՍԱՅԻՆ ՖՈՐՈՒՄ ԱՆՑԿԱՑՆԵԼՈՒ ՄԱՍԻՆ
Եվրասիական միջկառավարական խորհրդի 2015 թվականի մայիսի 29-ի «Արտահանումը զարգացնելուն ուղղված միջոցների մասին» թիվ 2 որոշման 4-րդ կետի իրականացման նպատակով`
1. Համաձայնություն տալ Ռուսաստանի Դաշնության առաջարկության համաձայն քաղ. Մոսկվայում «Բաց նորարարություններ» մոսկովյան նորարարական զարգացման միջազգային ֆորումի հարթակում 2016 թվականին «Եվրասիական շաբաթ» ցուցահանդեսային ֆորումի (այսուհետ` ցուցահանդեսային ֆորում) անցկացմանը:
2. Եվրասիական տնտեսական միության եւ Եվրասիական տնտեսական հանձնաժողովի անդամ պետությունների կառավարություններին (այսուհետ համապատասխանաբար` անդամ պետություններ, Հանձնաժողով)` մշակել ցուցահանդեսային ֆորումի կազմակերպմանը եւ անցկացմանն աջակցելուն առնչվող հարցեր:
3. Անդամ պետությունների կառավարություններին`
մինչեւ 2016 թվականի փետրվարի 22-ը թեկնածություններ ներկայացնել Հանձնաժողով` ցուցահանդեսային ֆորումի կազմակերպչական կոմիտեի (այսուհետ` կազմակերպչական կոմիտե) կազմում ընդգրկելու համար` անհրաժեշտության դեպքում նախատեսելով դրանում գործարար համայնքի ներկայացուցիչների մասնակցությունը.
քննարկել ազգային ցուցահանդեսային ցուցադրությունների ֆինանսավորմանն առնչվող հարցեր եւ որոշել դրանց ձեւաչափը` հաշվի առնելով ցուցահանդեսային ֆորումի անցկացման հայեցակարգը:
4. Հանձնաժողովին` անդամ պետությունների կառավարությունների հետ փոխգործակցելով` քննարկել երրորդ երկրների ներկայացուցիչներին ցուցահանդեսային ֆորումին հրավիրելու հարցը.
5. Հանձնաժողովի կոլեգիային`
Հանձնաժողովի կոլեգիայի անդամի ղեկավարությամբ մինչեւ 2016 թվականի մարտի 10-ը հաստատել կազմակերպչական կոմիտեի կազմը` դրանում ընդգրկելով անդամ պետությունների եւ Հանձնաժողովի ներկայացուցիչներին.
ապահովել կազմակերպչական կոմիտեի գործունեությունը:
6. Սույն Կարգադրությունն ուժի մեջ է մտնում դրա ընդունման օրվանից:
Եվրասիական տնտեսական հանձնաժողովի խորհրդի անդամներ`
Հայաստանի Հանրապետությունից Բելառուսի Հանրապետությունից Ղազախստանի Հանրապետությունից Ղրղզստանի Հանրապետությունից Ռուսաստանի Դաշնությունից
Վ. Գաբրիելյան Վ. Մատյուշեւսկի Բ. Սագինտաեւ Օ. Պանկրատով Ի. Շուվալով