ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
ՀԱՆՁՆԱՐԱՐԱԿԱՆ
22 դեկտեմբերի 2015 թվականի թիվ 28 քաղ. Մոսկվա
Գյուղատնտեսական արտադրանքի ԵՎ պարենի արտահանման նկատմամբ Եվրասիական տնտեսական միության անդամ պետությունների իրացման ու շուկայահանման քաղաքականության համակարգման մասին
Եվրասիական տնտեսական հանձնաժողովի կոլեգիան, Եվրասիական տնտեսական բարձրագույն խորհրդի` 2014 թվականի նոյեմբերի 21-ի թիվ 94 որոշմամբ հաստատված՝ Մաքսային միության և Միասնական տնտեսական տարածքի անդամ պետությունների համաձայնեցված (համակարգված) ագրոարդյունաբերական քաղաքականության վերաբերյալ հայեցակարգի իրականացման միջոցառումների ծրագրի 10-րդ կետին համապատասխան,
«Եվրասիական տնտեսական միության մասին» 2014 թվականի մայիսի 29-ի պայմանագրի 95-րդ հոդվածի 7-րդ կետի 11-րդ ենթակետի հիման վրա, հաշվի առնելով գյուղատնտեսական արտադրանքի և պարենի արտահանման առաջխաղացման արտասահմանյան փորձը, ինչպես նաև ինտեգրացիոն միավորումներում համակարգման մեխանիզմները,
հանձնարարում է Եվրասիական տնտեսական միության անդամ պետություններին (այսուհետ՝ անդամ պետություններ) սույն Հանձնարարականի պաշտոնական հրապարակման օրվանից՝
1. Արտահանման ներուժի զարգացման հեռանկարները սահմանելիս հաշվի առնել անդամ պետությունների գյուղատնտեսական արտադրանքի և պարենի երրորդ պետությունների շուկաներ արտահանումն ընդլայնելու վերաբերյալ այն առաջարկությունները, որոնք նախապատրաստվում են Եվրասիական տնտեսական հանձնաժողովի (այսուհետ՝ Հանձնաժողով) կողմից անդամ պետությունների՝ երկրի և ճյուղային արտահանման առաջնահերթությունների վերաբերյալ տվյալների հիման վրա և տեղադրվում «Ինտերնետ» տեղեկատվական-հեռահաղորդակցական ցանցում՝ Եվրասիական տնտեսական միության պաշտոնական կայքում:
2. Յուրաքանչյուր տարի, 2016 թվականից սկսած, հունվարի 15-ից ոչ ուշ Հանձնաժողովին տեղեկացնել՝
անդամ պետություններում կիրառվող՝ գյուղատնտեսական արտադրանքի և պարենի արտահանմանն աջակցելու միջոցների և մեխանիզմների մասին՝ Հանձնաժողովի կողմից ամփոփ ուսումնասիրություն նախապատրաստելու նպատակով.
միջազգային ցուցահանդեսներին և տոնավաճառներին գյուղատնտեսական արտադրանքի ու պարենի մասնակցության ծրագրերի մասին՝ Հանձնաժողովի կողմից համակարգման միջոցով համատեղ միջոցառումներ կազմակերպելու նպատակով.
գյուղատնտեսական արտադրանքի և պարենի արտահանման առաջխաղացմանը վերաբերող բիզնես-առաքելությունների իրականացման ծրագրերի մասին՝ Հանձնաժողովի կողմից առաջիկա ժամանակահատվածի համար ամփոփ տեղեկատվություն նախապատրաստելու նպատակով:
3. Մյուս անդամ պետություններին և Հանձնաժողովին տեղեկացնել անդամ պետություններում իրականացված՝ արտահանվող գյուղատնտեսական արտադրանքի և պարենի միջազգային ու ներքին շուկաների վիճակն արտացոլող ուսումնասիրությունների արդյունքների մասին:
Եվրասիական տնտեսական հանձնաժողովի կոլեգիայի նախագահ՝ Վ. Խրիստենկո