«Գրանցված է»
ՀՀ արդարադատության
նախարարության կողմից
8 փետրվարի 2017 թ.
Պետական գրանցման թիվ 10817072
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԷՆԵՐԳԵՏԻԿ ԵՆԹԱԿԱՌՈՒՑՎԱԾՔՆԵՐԻ
ԵՎ ԲՆԱԿԱՆ ՊԱՇԱՐՆԵՐԻ ՆԱԽԱՐԱՐԻ
30 հունվարի 2017 թ. N 12-Ն
Հ Ր Ա Մ Ա Ն Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ՆԱԽԱՐԱՐԻ 2003 ԹՎԱԿԱՆԻ ՓԵՏՐՎԱՐԻ 13-Ի N 07-ԱՄ-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասով և հիմք ընդունելով «Քաղաքացիական ծառայության մասին» Հայաստանի Հանրապետության օրենքի 40-րդ հոդվածի հինգերորդ մասը`
Հրամայում եմ`
1. Հայաստանի Հանրապետության էներգետիկայի նախարարի 2003 թվականի փետրվարի 13-ի «ՀՀ էներգետիկայի և բնական պաշարների նախարարության աշխատակազմի քաղաքացիական ծառայության առաջատար պաշտոններ զբաղեցնելու համար մրցույթ, ինչպես նաև առաջատար և կրտսեր պաշտոններ զբաղեցնող քաղաքացիական ծառայողների ատեստավորում անցկացնող մրցութային և ատեստավորման հանձնաժողովների աշխատակարգերը հաստատելու մասին» N 07-ԱՄ-Ն հրամանում /այսուհետ՝ Հրաման/ կատարել հետևյալ փոփոխությունները`
1) Հրամանի վերնագիրը շարադրել հետևյալ խմբագրությամբ.
«Հայաստանի Հանրապետության էներգետիկ ենթակառուցվածքների և բնական պաշարների նախարարության աշխատակազմի քաղաքացիական ծառայության առաջատար թափուր պաշտոններ զբաղեցնելու համար մրցույթ անցկացնող մրցութային հանձնաժողովի աշխատակարգը հաստատելու մասին».
2) Հրամանով հաստատված N 1 հավելվածի վերնագրում և ամբողջ տեքստում «էներգետիկայի» բառը փոխարինել «էներգետիկ ենթակառուցվածքների» բառերով.
3) ուժը կորցրած ճանաչել Հրամանի 2-րդ կետը և հավելված 2-ը:
2. Սույն հրամանը ուժի մեջ է մտնում պաշտոնական հրապարակման օրվան հաջորդող տասներորդ օրը:
Ա. Մանուկյան