ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
22 սեպտեմբերի 2016 թվականի N 973-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՀՈԿՏԵՄԲԵՐԻ 20-Ի N 1510-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2011 թվականի հոկտեմբերի 20-ի «Հայաստանի Հանրապետության պետական իշխանության մարմիններում աշխատանքային ծրագրերի կազմման, էլեկտրոնային փաստաթղթաշրջանառության համակարգ աշխատանքային ծրագրերի մուտքագրման, հաստատման, այդ համակարգով կատարողականների գնահատման և կատարողականների հիման վրա պարգևատրման կարգը հաստատելու մասին» N 1510-Ն որոշման 1-ին կետով հաստատված կարգում կատարել հետևյալ փոփոխությունները և լրացումները`
1) կարգի 34-րդ կետը շարադրել հետևյալ խմբագրությամբ.
«34. Աշխատանքների գնահատականները տրվում են յուրաքանչյուր աշխատանքի ավարտից հետո` հաշվի առնելով աշխատանքն անմիջական ղեկավարի կողմից ընդունվելու ժամկետները և որակը: Համակարգով յուրաքանչյուր աշխատանքի գնահատականը տրվում է հետևյալ սանդղակին համապատասխան.
Կատարված է առանց թերությունների Կատարված է
ոչ էական թերություններով Կատարված է էական թերություն-ներով Կատարված չէ
Սահմանված ժամկետից շուտ 100 89-80 - -
Սահմանված ժամկետին 95-90 79-75 65-59 0
Սահմանված ժամկետի ոչ էական բացթողումներով 89-80 74-65 58-50 0
Սահմանված ժամկետի էական բացթողումներով 64-59 58-50 49-35 0
Սույն աղյուսակում նշված «Սահմանված ժամկետից շուտ» է համարվում կատարողի համար տվյալ աշխատանքի կատարման համար սահմանված վերջնաժամկետից առնվազն մեկ աշխատանքային օր շուտ կատարումը` բացառությամբ այն հանձնարարականների, որոնց կատարման համար սահմանված է մեկ աշխատանքային օր:».
2) կարգը լրացնել հետևյալ բովանդակությամբ նոր` 34.1-ին կետով.
«34.1. Սույն կարգի 34-րդ կետով հաստատված սանդղակում ներկայացված միջակայքի առկայությամբ յուրաքանչյուր վանդակում համակարգը հնարավորություն է ընձեռում աշխատանքը գնահատողին ընտրելու այդ միջակայքում ներառված թվերից յուրաքանչյուրը:».
3) կարգի 44-րդ կետի վերջին պարբերությունն ուժը կորցրած ճանաչել.
4) կարգը լրացնել հետևյալ բովանդակությամբ նոր` 44.1-ին, 44.2-րդ և 44.3-րդ կետերով.
«44.1. Անմիջական ենթակա ունեցող ղեկավար աշխատողի (այսուհետ` ղեկավար աշխատող) դեպքում սույն կարգի 44-րդ կետում նշված բանաձևը կիրառվում է հետևյալ ձևով. ՂԿԸԳ=ՄԳX50% + ԿՀԳX50% X գործակից:
Ղեկավար աշխատողի կառավարչական հմտությունների վերջնական գնահատականը որոշելու համար անհրաժեշտ է պարզել նրա ենթակա աշխատողների (այդ թվում` ենթակա բոլոր ստորաբաժանումների աշխատողների) կատարողականների ընդհանուր գնահատականների (ԿԸԳ) թվաբանական միջինը (ԹՄ) և դրա ստանդարտ շեղումը (Standard Deviation), այսուհետ` ՍՏՇ, որը հաշվարկվում է հետևյալ բանաձևով.
ՍՏՇ=Ö [(∑(ԿԸԳi-ԹՄ).2)/ո], որտեղ ո-ը ղեկավար աշխատողների (այդ թվում` ենթակա բոլոր ստորաբաժանումների աշխատողների) թվաքանակն է, իսկ ԿԸԳi-ն` ենթակա աշխատողներից յուրաքանչյուրի կատարողական ընդհանուր գնահատականը, իսկ i=1,2,.....n:
44.2. Ղեկավար աշխատողի կառավարչական հմտությունների վերջնական գնահատականը (ԿՀՎԳ) որոշելու համար նրա ԿՀԳ-ի նկատմամբ կիրառվում են հետևյալ գործակիցները.
≥ 91 90-81 80-71 70-61 60
≥ 5.25 0.7 1 0.9 0.8 0
5-5.24 0.5 0.95 0.8 0.7 0
4.75-4.9 0.1 0.8 0.7 0.6 0
<4.75 0 0.7 0.6 0.5 0
Ընդ որում, սույն աղյուսակում նշված միավորի հաշվարկման համար ԹՄ-ն կլորացվում է ամբողջական թվերի:
44.3. Աշխատողի կատարողականի ընդհանուր գնահատականը ներկայացվում է «Ընդհանուր գնահատական» թերթիկով` համաձայն N 6 ձևի, իսկ ղեկավար աշխատողինը` N 6.1 ձևի: Եթե աշխատողի կատարողականի կիսամյակային գնահատականը «Ընդհանուր գնահատական» թերթիկով անմիջական ղեկավարի նշագրով 60 տոկոս և բարձր է, ապա դա համարվում է անմիջական ղեկավարի դրական եզրակացություն, իսկ եթե 60 տոկոսից ցածր է, ապա համարվում է անմիջական ղեկավարի բացասական եզրակացություն:».
5) կարգի 48-րդ կետը «համաձայն N 6» բառերից հետո լրացնել «կամ N 6.1» բառերով.
6) կարգի 54-րդ և 57.1-ին կետերում «75» թիվը փոխարինել «60» թվով.
7) կարգը լրացնել նոր` N 6.1 ձևով` համաձայն հավելվածի:
2. Սույն որոշումն ուժի մեջ է մտնում 2017 թվականի հունվարի 1-ից և տարածվում է 2017 թվականի հուլիսի 1-ից հետո ծագող հարաբերությունների վրա:
(2-րդ կետը լրաց. 23.06.17 N 713-Ն)
Հայաստանի Հանրապետության
վարչապետ Կ. Կարապետյան
2016 թ. սեպտեմբերի 24
Երևան
Հավելված
ՀՀ կառավարության 2016 թվականի
սեպտեմբերի 22-ի N 973-Ն որոշման
«Ձև N 6.1
Ղեկավար աշխատողի ընդհանուր գնահատականը
Գնահատվողի տվյալները
Ստորաբաժանումը .........................................................
Պաշտոնը (ծածկագիրը)
Անունը, հայրանունը, ազգանունը .........................................................
1. Աշխատանքային ծրագրի կիսամյակային կշռված
գնահատականի 50%
2. Կառավարչական հմտությունների կիսամյակային գնահատականի 50%
3. Ղեկավար աշխատողի կառավարչական հմտությունների գնահատականի նկատմամբ կիրառվող գործակիցը
4. Ղեկավար աշխատողի կառավարչական հմտությունների վերջնական գնահատականը (4 = 2 x 3)
5. Ընդհանուր գնահատականը (5 = 1+4)
Անմիջական ղեկավարի (գնահատողի)
ստորագրությունը _____________________
Ղեկավար աշխատողի (գնահատվողի) ստորագրությունը
(ծանոթացա գնահատականին) _____________________
_________ ________________ թ.»:
Հայաստանի Հանրապետության
կառավարության աշխատակազմի
ղեկավար-նախարար Դ. Հարությունյան