ՀՀ ՎԱՐՉԱՊԵՏԻ ՈՐՈՇՈՒՄԸ ՕԼԳԱ ՂՈՒԿԱՍՅԱՆԻՆ ԿՈՏ Դ’ ԻՎՈՒԱՐԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

20 հուլիսի 2017 թվականի N 794-Ա

ՕԼԳԱ ՂՈՒԿԱՍՅԱՆԻՆ ԿՈՏ Դ’ ԻՎՈՒԱՐԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂելու ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության մշակույթի նախարարության աշխատակազմի պատմամշակութային հուշարձանների պահպանության գործակալության հուշարձանների վերականգնման բաժնի առաջին կարգի մասնագետ Օլգա Ղուկասյանին 2017 թվականի հուլիսի 27-31-ը գործուղել Կոտ դ’ Իվուարի Հանրապետություն (Աբիջան)` Ֆրանկոֆոնիայի 8-րդ միջազգային մարզամշակութային խաղերի համակարգումն իրականացնելու համար:

2. Օլգա Ղուկասյանի՝ Կոտ դ’ Իվուարի Հանրապետություն (Աբիջան) գործուղման հետ կապված ճանապարհածախսը կատարել «Հայաստանի Հանրապետության 2017 թվականի պետական բյուջեի մասին» Հայաստանի Հանրապետության օրենքի N 1 հավելվածի 08 բաժնի 02 խմբի 05 դասի «04. Մշակութային միջոցառումների իրականացում» ծրագրի «Միջազգային մշակութային համագործակցության իրականացում, սփյուռքի հետ համագործակցություն, հայ մշակույթի պահպանում» միջոցառումների համար նախատեսված հատկացումների հաշվին:

3. Ընդունել ի գիտություն, որ Օլգա Ղուկասյանի` Կոտ դ’ Իվուարի Հանրապետություն (Աբիջան) գործուղման հետ կապված գիշերավարձի և օրապահիկի ծախսերը կատարվելու են հրավիրող կողմի հաշվին:

4. Հայաստանի Հանրապետության մշակույթի նախարարին՝ ապահովել գործուղումից վերադառնալուց հետո եռօրյա ժամկետում Օլգա Ղուկասյանի` Կոտ դ’ Իվուարի Հանրապետություն գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը:

Հայաստանի Հանրապետության

վարչապետ Կ. Կարապետյան

2017 թ. հուլիսի 20

Երևան