ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ… (2017) — ՀՀ օրենսդրություն

ամբողջ փաստաթուղթըգործող խմբագրությունԲացել ARLIS-ում

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 օգոստոսի 2017 թվականի N 995-Ն

ՔՐԵԱԿԱՏԱՐՈՂԱԿԱՆ ԾԱՌԱՅՈՂԻՆ ՊԱՀԵԼՈՒ ԵՎ ԿՐԵԼՈՒ ԻՐԱՎՈՒՆՔՈՎ ՀԱՇՎԵՑՈՒՑԱԿԱՅԻՆ ԶԵՆՔ ԵՎ ՌԱԶՄԱՄԹԵՐՔ ՀԱՏԿԱՑՆԵԼՈՒ, ՀԱՏԿԱՑՎԱԾ ԶԵՆՔԸ ՊԱՀԵԼՈՒ, ԿՐԵԼՈՒ ԵՎ ՀԱՆՁՆԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

Հիմք ընդունելով «Քրեակատարողական ծառայության մասին» Հայաստանի Հանրապետության օրենքի 47-րդ հոդվածի 3-րդ մասը՝ Հայաստանի Հանրապետության կառավարությունը որոշում է.

1. Սահմանել քրեակատարողական ծառայողին պահելու և կրելու իրավունքով հաշվեցուցակային զենք և ռազմամթերք հատկացնելու, հատկացված զենքը պահելու, կրելու և հանձնելու կարգը՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության

փոխվարչապետ Վ. Գաբրիելյան

2017 թ. օգոստոսի 18

Երևան

Հավելված

ՀՀ կառավարության 2017 թվականի

օգոստոսի 17-ի N 995-Ն որոշման

Կ Ա Ր Գ

ՔՐԵԱԿԱՏԱՐՈՂԱԿԱՆ ԾԱՌԱՅՈՂԻՆ ՊԱՀԵԼՈՒ ԵՎ ԿՐԵԼՈՒ ԻՐԱՎՈՒՆՔՈՎ ՀԱՇՎԵՑՈՒՑԱԿԱՅԻՆ ԶԵՆՔ ԵՎ ՌԱԶՄԱՄԹԵՐՔ ՀԱՏԿԱՑՆԵԼՈՒ, ՀԱՏԿԱՑՎԱԾ ԶԵՆՔԸ ՊԱՀԵԼՈՒ, ԿՐԵԼՈՒ ԵՎ ՀԱՆՁՆԵԼՈՒ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կարգավորվում են քրեակատարողական ծառայողներին պահելու և կրելու իրավունքով հաշվեցուցակային զենք և ռազմամթերք (այսուհետ` զենք) հատկացնելու, հատկացված զենքը պահելու, կրելու և հանձնելու հետ կապված հարաբերությունները:

2. Քրեակատարողական ծառայողին (այսուհետ՝ ծառայող) պահելու և կրելու իրավունքով հատկացվում է Հայաստանի Հանրապետության քրեակատարողական ծառայության սպառազինության մեջ ընդգրկված հաշվեցուցակային ատրճանակ:

3. Ծառայողին հատկացվող զենքի հետ միասին տրվում են համապատասխան հարմարանքներ՝ զենքը բացահայտ կամ քողարկված կրելու համար, ինչպես նաև՝ զենքի խնամքի համար նախատեսված պարագաներ:

4. Քրեակատարողական ծառայության բարձրագույն պաշտոններ զբաղեցնող ծառայողներին պահելու և կրելու իրավունքով զենք հատկացվում է նրանց ծառայողական պարտականությունների կատարմանն անցնելու պահից: Քրեակատարողական ծառայության գլխավոր պաշտոններ զբաղեցնող ծառայողներին պահելու և կրելու իրավունքով զենք հատկացվում է հատուկ ուսուցում անցնելուց հետո: Քրեակատարողական ծառայության առաջատար, միջին և կրտսեր պաշտոններ զբաղեցնող ծառայողներին պահելու և կրելու իրավունքով զենք հատկացվում է հատուկ ուսուցում և ստուգում անցնելուց հետո:

5. Քրեակատարողական ծառայության բարձրագույն, գլխավոր, առաջատար, միջին և կրտսեր պաշտոններ զբաղեցնող ծառայողներին պահելու և կրելու իրավունքով զենք հատկացվում է Հայաստանի Հանրապետության արդարադատության նախարարության քրեակատարողական վարչության պետի կողմից:

6. Պահելու և կրելու իրավունքով հատկացված զենքը ծառայողի կողմից գործադրվում (կիրառվում) և օգտագործվում է «Քրեակատարողական ծառայության մասին» Հայաստանի Հանրապետության օրենքով սահմանված դեպքերում և կարգով:

II. ՊԱՀԵԼՈՒ ԵՎ ԿՐԵԼՈՒ ԻՐԱՎՈՒՆՔՈՎ ԶԵՆՔ ՀԱՏԿԱՑՆԵԼՈՒ ԿԱՐԳՆ ՈՒ ՊԱՅՄԱՆՆԵՐԸ

7. Հատուկ ուսուցում անցած՝ քրեակատարողական ծառայության առաջատար, միջին և կրտսեր պաշտոններ զբաղեցնող ծառայողներին պահելու և կրելու իրավունքով զենք հատկացվում է զենքի նյութական մասի, մարտավարատեխնիկական բնութագրի, պահելու և կրելու անվտանգության, ինչպես նաև գործադրման (կիրառման) և օգտագործման իրավական հիմքերի վերաբերյալ ստուգումն անցնելուց հետո:

8. Քրեակատարողական ծառայության առաջատար, միջին և կրտսեր պաշտոններ զբաղեցնող ծառայողներին զենք հատկացնելու համար հիմք է ծառայողի զեկուցագիրը՝ համաձայն N 1 ձևի, ուղղված քրեակատարողական վարչության պետին՝ քրեակատարողական ծառայության կենտրոնական մարմնում՝ ստորաբաժանման ղեկավարի, իսկ քրեակատարողական հիմնարկներում՝ քրեակատարողական հիմնարկի պետի միջնորդությամբ:

9. Ստուգումն անցած ծառայողի զեկուցագիրը և ստուգումների անցկացման համար քրեակատարողական վարչության պետի հրամանով ստեղծված հանձնաժողովի եզրակացությունը՝ համաձայն N 3 ձևի, ներկայացվում են տվյալ ստորաբաժանման սպառազինության համար պատասխանատու մարմնին (անձին)՝ զենքը տվյալ ծառայողին հատկացնելու համար: Հանձնաժողովի եզրակացությունը գրանցվում է հաշվեցուցակային զենք հատկացնելու թույլտվությունների հաշվառման մատյանում՝ համաձայն N 2 ձևի:

10. Հաշվեցուցակային զենք հատկացնելու թույլտվությունների հաշվառման մատյանը վարում է հանձնաժողովի քարտուղարը:

III. ԶԵՆՔԸ ՊԱՀԵԼՈՒ, ԿՐԵԼՈՒ ԵՎ ՀԱՆՁՆԵԼՈՒ ԿԱՐԳԸ

11. Պահելու և կրելու իրավունքով զենք ստացած ծառայողը պարտավոր է սարքին, անվտանգ և մաքուր պահել ստացած զենքը:

12. Զենքի կորուստը բացառելու նպատակով այն պետք է համապատասխան ամրակապով հուսալիորեն ամրացված լինի ծառայողի համազգեստին (հագուստին):

13. Արգելվում է ծառայողի կողմից զենք կրելն առանց համապատասխան հարմարանքների (ատրճանակի պատյան, ամրակապ և այլն):

14. Զենքը ծառայողի բնակության վայրում պետք է պահվի փականով ամրացված պահարանում կամ արկղում` միջոցներ ձեռնարկելով զենքին այլ անձանց հասանելիությունը բացառելու համար:

15. Քաղաքացիական հագուստ կրող ծառայողը զենքը կրում է քողարկված:

16. Հայաստանի Հանրապետության տարածքից դուրս ծառայողը զենքով գործուղվում է միջազգային պայմանագրերով սահմանված դեպքերում և կարգով:

17. Հայաստանի Հանրապետության տարածքում գործուղման դեպքում` ժամանման վայրում զենքն անվտանգ պահելու հնարավորության բացակայության դեպքում գործուղված ծառայողը զենքն ի պահ է հանձնում քրեակատարողական հիմնարկի կամ մոտակա ոստիկանության բաժնի հերթապահ մաս:

18. Ծառայողին հատկացված զենքի, դրա տեխնիկական վիճակի, ինչպես նաև համապատասխան հարմարանքների նկատմամբ հսկողությունն իրականացվում է`

1) ծառայողի անմիջական ղեկավարի կողմից` յուրաքանչյուր շաբաթը մեկ անգամ` ծառայողի՝ ծառայության մեջ գտնվելու ժամանակ.

2) տվյալ ստորաբաժանման ղեկավարի կողմից` յուրաքանչյուր եռամսյակը մեկ անգամ.

3) սպառազինության համար պատասխանատու մարմնի (անձի) կողմից` տարեկան մեկ անգամ.

4) համապատասխան հրամանով` ենթակա ստորաբաժանումներ գործուղված քրեակատարողական ծառայության կենտրոնական ապարատի սպառազինության համար պատասխանատու մարմնի (անձի) կողմից.

5) շարային ստուգատես անցկացնելու ժամանակ` ստուգատես անցկացնող անձի կողմից:

19. Այլ ստորաբաժանում տեղափոխվելու, ծառայությունից ազատվելու (պահեստազոր տեղափոխվելու) դեպքերում ծառայողը պարտավոր է զենքը հանձնել ստորաբաժանման սպառազինության համար պատասխանատու մարմին (անձին) կամ հերթապահ մաս:

20. Ծառայողն ստացիոնար բուժման, ուսման կամ արձակուրդ մեկնելիս, ինչպես նաև զենքը պահելու համար հուսալի պայմանների չապահովման դեպքում զենքը ժամանակավորապես ի պահ է հանձնում քրեակատարողական հիմնարկի զինանոց:

21. Ծառայողը պարտավոր է զենքը հանձնել, եթե`

1) ծառայողի կողմից խախտվել են սույն կարգով նախատեսված զենքը պահելու և կրելու պայմանները՝ ստորաբաժանման ղեկավարի կարգադրությամբ.

2) ժամանակավորապես դադարեցվել են ծառայողի ծառայողական լիազորությունները.

3) ծառայողն ազատվել է քրեակատարողական ծառայությունից.

4) ծառայողին արգելվել է զենք կրել` բժշկական եզրակացությամբ:

22. Ստորաբաժանման հերթապահ մաս հանձնած զենքի վերաբերյալ համապատասխան գրառում է կատարվում զենքի և հատուկ միջոցների հանձնման և ընդունման գրքում:

23. Զենքը գործադրելու կամ օգտագործելու, ինչպես նաև զենքը կորցնելու կամ փչացնելու դեպքերում ծառայողն անմիջապես զեկուցում է վերադասության կարգով և ձեռնարկում միջոցներ` զենքը վերանորոգելու, կորած զենքը որոնելու համար:

Հայաստանի Հանրապետության

կառավարության աշխատակազմի

ղեկավարի առաջին տեղակալ Ա. Սարգսյան

Ձև N 1

Հայաստանի Հանրապետության

արդարադատության նախարարության

քրեակատարողական վարչության պետ

_______________________________

(կոչումը, անունը, ազգանունը)

Զ Ե Կ ՈՒ Ց Ա Գ Ի Ր

Խնդրում եմ Ձեր թույլտվությունը` պահելու և կրելու իրավունքով հաշվեցուցակային զենք ստանալու նպատակով հաշվեցուցակային զենքի նյութական մասի, մարտավարատեխնիկական բնութագրի, պահելու և կրելու անվտանգության, ինչպես նաև գործադրման (կիրառման) և օգտագործման իրավական հիմքերի վերաբերյալ ստուգում անցնելու համար:

Հաշվեցուցակային զենքը պահելու անվտանգության պայմաններն աշխատավայրում և բնակության վայրում ապահովում եմ:

Տեղյակ եմ զենքի անօրինական գործադրման (կիրառման) կամ օգտագործման հետևանքների մասին:

________________________________

(պաշտոնը, կոչումը)

__________________

(ստորագրությունը) __________________ (անունը, ազգանունը)

_____ _______________ 20 թ.

«Միջնորդում եմ

հատկացնել հաշվեցուցակային զենք»

_______________________________________

(քրեակատարողական ծառայության կենտրոնական

մարմնում` ստորաբաժանման, իսկ

քրեակատարողական հիմնարկում` քրեակատարողական

հիմնարկի պետի պաշտոնը, կոչումը)

__________________

(ստորագրությունը) __________________ (անունը, ազգանունը)

____ _______________ 20 թ.

Ձև N 2

Հ Ա Շ Վ Ա Ռ Մ Ա Ն Մ Ա Տ Յ Ա Ն

ՀԱՇՎԵՑՈՒՑԱԿԱՅԻՆ ԶԵՆՔ ՀԱՏԿԱՑՆԵԼՈՒ ԹՈՒՅԼՏՎՈՒԹՅՈՒՆՆԵՐԻ

ը/կ Եզրակացությունը տալու ամսաթիվը Կոչումը, ազգանունը, անունը Ծառայությունը, պաշտոնը

1 2 3 4

Ձև N 3

«Թույլատրում եմ

հատկացնել հաշվեցուցակային զենք»

Հայաստանի Հանրապետության

արդարադատության նախարարության

քրեակատարողական վարչության պետ

_______________________________

(կոչումը, անունը, ազգանունը)

___________________

(ստորագրությունը)

____ _______________ 20 թ.

Ե Զ Ր Ա Կ Ա Ց ՈՒ Թ Յ ՈՒ Ն N _______

Հայաստանի Հանրապետության արդարադատության նախարարության

______________________________________________

(ստորաբաժանման, ծառայության անվանումը)

__________________________________________________________

(պաշտոնը, կոչումը, անունը, ազգանունը)

հաշվեցուցակային զենք հատկացնելու վերաբերյալ

Հաշվեցուցակային զենքի նյութական մասի, մարտավարատեխնիկական բնութագրի, պահելու և կրելու անվտանգության, ինչպես նաև գործադրման (կիրառման) և օգտագործման իրավական հիմքերի վերաբերյալ ստուգումն անցել է:

Հանձնաժողովը որոշեց ______________________________________-ին հատկացնել (անունը, ազգանունը)

__________________________________________________________________________:

(նշվում է` պահելու և կրելու իրավունքով)

Հանձնաժողովի նախագահ ____________________________ (պաշտոնը, հատուկ կոչումը)

__________________

(ստորագրությունը) __________________

(անունը, ազգանունը)

Հանձնաժողովի նախագահի տեղակալ ____________________________ (պաշտոնը, հատուկ կոչումը)

__________________

(ստորագրությունը) __________________

(անունը, ազգանունը)

Հանձնաժողովի անդամներ ____________________________ (պաշտոնը, հատուկ կոչումը)

__________________

(ստորագրությունը) __________________

(անունը, ազգանունը)

Հանձնաժողովի քարտուղար ____________________________ (պաշտոնը, հատուկ կոչումը)

__________________

(ստորագրությունը) __________________

(անունը, ազգանունը)

Underscore-ի հետ