ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
6 հոկտեմբերի 2017 թվականի N 1132-Ա
ԵԱՀԿ/ԺՀՄԻԳ ԿԱԶՄՈՒՄ ԴԻՏՈՐԴԱԿԱՆ ԱՌԱՔԵԼՈՒԹՅՈՒՆ ՂՐՂԶԱԿԱՆ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`
1. Ղրղզական Հանրապետությունում կայանալիք նախագահական ընտրությունների ընթացքում ԵԱՀԿ/ԺՀՄԻԳ կազմում դիտորդական առաքելություն իրականացնելու նպատակով 2017 թվականի հոկտեմբերի 11-18-ը Ղրղզական Հանրապետություն (Բիշքեկ) գործուղել Հայաստանի Հանրապետության դիտորդական առաքելություն` համաձայն N 1 հավելվածի:
2. Դիտորդական առաքելության անդամների՝ Ղրղզական Հանրապետություն (Բիշքեկ) գործուղման հետ կապված ծախսերը կատարել Հայաստանի Հանրապետության 2017 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին` հիմք ընդունելով ԵԱՀԿ/ԺՀՄԻԳ ներկայացրած գործուղման հաշվարկները՝ համաձայն N 2 հավելվածի:
Հայաստանի Հանրապետության
վարչապետ Կ. Կարապետյան
2017 թ. հոկտեմբերի 6
Երևան
Հավելված N 1
ՀՀ վարչապետի 2017 թվականի հոկտեմբերի 6-ի N 1132-Ա որոշման
Կ Ա Զ Մ
2017 թվականի հոկտեմբերի 11-18-ը Ղրղզական Հանրապետություն մեկնող դիտորդական առաքելության
Ս. Եղիազարյան - ՀՀ Նախագահի աշխատակազմի արտաքին կապերի վարչության գլխավոր մասնագետ (համաձայնությամբ)
Թ. Հովնանյան - ՀՀ արտաքին գործերի նախարարության աշխատակազմի միջազգային կազմակերպությունների վարչության գործավար
Հայաստանի Հանրապետության
կառավարության աշխատակազմի
ղեկավար Վ. Ստեփանյան
Հավելված N 2
ՀՀ վարչապետի 2017 թվականի հոկտեմբերի 6-ի N 1132-Ա որոշման
ՖԻՆԱՆՍԱԿԱՆ ՀԱՇՎԱՐԿ
2017 թվականի հոկտեմբերի 11-18-ը Ղրղզական Հանրապետություն մեկնող դիտորդների
Տեղաշարժման/ տրանսպորտային ծախսերը ԵՎՐՈյին համարժեք դրամ
Օդանավակայան 30
Ներքաղաքային տեղաշարժ (կարճաժամկետ դիտորդների բրիֆինգի և դեբրիֆինգի վայրեր) 40
Երկրի տարածքում տեղաշարժ (դիտորդական առաքելություն իրականացնելու համար նախատեսված վայրեր) 100
Կապի միջոցներ (hեռախոսային քարտեր, հեռախոսներ) 20
Բրիֆինգի համար նախատեսված ծախսեր (բրիֆինգ, դեբրիֆինգ, սնունդ) 175
Յուրաքանչյուր կարճաժամկետ դիտորդի համար ԺՀՄԻԳ-ի կողմից գանձվող գումարի չափը 365
Վարորդ /յուրաքանչյուր դիտորդի կողմից օրական 25 եվրո, 4 օր 100
Վառելիք /յուրաքանչյուր դիտորդի կողմից օրական 10 եվրո, 4 օր 40
Թարգմանիչ /յուրաքանչյուր դիտորդի կողմից օրական 25 եվրո, 4 օր 100
Փաստաթղթերի փոխանցում (յուրաքանչյուր դիտորդի կողմից) 10
Հյուրանոց յուրաքանչյուր դիտորդի համար /7 գիշեր յուրաքանչյուր օրվա համար առավելագույնը 120 եվրո մեկ գիշերը 840
Սնունդ և այլ ծախսեր (յուրաքանչյուր դիտորդի համար օրական 50 եվրո, առավելագույնը 8 օր) 400
Բնակության վայր և սնունդ թարգմանչի համար, եթե կա անհրաժեշտություն (յուրաքանչյուր դիտորդի կողմից օրական 40 եվրո 4 օրվա համար) 160
Բնակության վայր և սնունդ վարորդի համար, եթե կա անհրաժեշտություն (յուրաքանչյուր դիտորդի կողմից օրական 40 եվրո 4 օրվա համար) 160
ՅՈՒՐԱՔԱՆՉՅՈՒՐ ԴԻՏՈՐԴԻՆ ԱՌՁԵՌՆ ՎՃԱՐՎԵԼԻՔ ԸՆԴՀԱՆՈՒՐ ԳՈՒՄԱՐԸ 1,810
ՅՈՒՐԱՔԱՆՉՅՈՒՐ ԴԻՏՈՐԴԻ ՀԱՄԱՐ ՆԱԽԱՏԵՍՎԱԾ ԱՄԲՈՂՋԱԿԱՆ ԳՈՒՄԱՐԸ 2,175
Երևան-Մոսկվա-Բիշքեկ ինքնաթիռի տոմս յուրաքանչյուր դիտորդի համար 800 եվրո
Հայաստանի Հանրապետության
կառավարության աշխատակազմի
ղեկավար Վ. Ստեփանյան