ՀՀ ՎԱՐՉԱՊԵՏԻ ՈՐՈՇՈՒՄԸ ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

20 հոկտեմբերի 2017 թվականի N 1207-Ա

ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի` «Նաիրիտ» գործարան» փակ բաժնետիրական ընկերությունում պահեստավորված վտանգավոր քիմիական նյութերի վնասազերծման, ոչնչացման և պահպանման վերաբերյալ գործնական առաջարկություն ներկայացնելու նպատակով՝

1. Ստեղծել միջգերատեսչական աշխատանքային խումբ և հաստատել դրա անհատական կազմը՝ համաձայն հավելվածի:

2. Միջգերատեսչական աշխատանքային խմբի ղեկավարին՝ 3-ամսյա ժամկետում միջազգային փորձագետների հետ համատեղ իրականացված գույքագրման արդյունքների հիման վրա ներկայացնել գործնական առաջարկություն «Նաիրիտ» գործարան» փակ բաժնետիրական ընկերությունում պահեստավորված վտանգավոր քիմիական նյութերի վնասազերծման, ոչնչացման և պահպանման վերաբերյալ:

Հայաստանի Հանրապետության

վարչապետ Կ. Կարապետյան

2017 թ. հոկտեմբերի 20

Երևան

Հավելված

ՀՀ վարչապետի 2017 թ.

հոկտեմբերի 20-ի N 1207-Ա

որոշման

Ա Ն Հ Ա Տ Ա Կ Ա Ն Կ Ա Զ Մ

ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՄԲԻ

Ա. Նազարյան - ՀՀ արտակարգ իրավիճակների նախարարի տեղակալ (աշխատանքային խմբի ղեկավար)

Վ. Գաբրիելյան - ՀՀ արտակարգ իրավիճակների նախարարության աշխատակազմի փրկարար ծառայության տնօրենի տեղակալ, գեներալ-մայոր

Լ. Գաբրիելյան - ՀՀ արտակարգ իրավիճակների նախարարության աշխատակազմի փրկարար ծառայության կադրերի վարչության ՀՀ արտակարգ իրավիճակների նախարարության աշխատակազմի այլ ստորաբաժանումներ գործուղված աշխատակիցների բաժնի ավագ հրահանգիչ, փրկարար ծառայության ավագ լեյտենանտ

Ն. Բակունց - ՀՀ առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ-ի գլխավոր տնօրենի տեղակալ (համաձայնությամբ)

Ա. Ալեքսանդրյան - ՀՀ բնապահպանության նախարարության աշխատակազմի վտանգավոր նյութերի և թափոնների քաղաքականության բաժնի պետ

Լ. Շահվերդյան - ՀՀ էներգետիկ ենթակառուցվածքների և բնական պաշարների նախարարի խորհրդական

Հ. Հարությունյան - ՀՀ էներգետիկ ենթակառուցվածքների և բնական պաշարների նախարարության աշխատակազմի վարկային և դրամաշնորհային ծրագրերի վարչության վարկային և դրամաշնորհային ծրագրերի բաժնի պետ

Ռ. Սաղաթելյան - «Նաիրիտ» գործարան» ՓԲԸ-ի գլխավոր տնօրեն, մասնագետ (համաձայնությամբ)

Վ. Մխիթարյան - «Նաիրիտ» գործարան» ՓԲԸ-ի գլխավոր ինժեների տեղակալ, տեխնիկական բաժնի պետ, մասնագետ (համաձայնությամբ)

Կ. Ասատրյան - «Նաիրիտ» գործարան» ՓԲԸ-ի սնանկության գործով կառավարիչ (համաձայնությամբ)

Վ. Թոփուզյան - ՀՀ գիտությունների ազգային ակադեմիայի Օրգանական քիմիայի և դեղագործության գիտատեխնոլոգիական կենտրոնի տնօրեն (ՀՀ գիտությունների ազգային ակադեմիայի թղթակից անդամ, դոկտոր, պրոֆեսոր) (համաձայնությամբ)

Գ. Թորոսյան - Հայաստանի ազգային պոլիտեխնիկական համալսարանի քիմիական ֆակուլտետի ամբիոնի վարիչ (դոկտոր, պրոֆեսոր) (համաձայնությամբ)

Հայաստանի Հանրապետության

կառավարության աշխատակազմի

ղեկավար Վ. Ստեփանյան