ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
13 ապրիլի 2018 թվականի N 375-Ա
ԲԱԳՐԱՏ ՎԱՐԴԱԶԱՐՅԱՆԻՆ ԻՍՐԱՅԵԼԻ ՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`
1. Հայաստանի Հանրապետության արտակարգ իրավիճակների նախարարության աշխատակազմի փրկարար ծառայության փրկարարական ուժերի վարչության փրկարար ուժերի համակարգման և որակավորման կազմակերպման բաժնի պետ, փրկարար ծառայության փոխգնդապետ Բագրատ Վարդազարյանին 2018 թվականի ապրիլի 21-ից մինչև մայիսի 11-ը գործուղել Իսրայելի Պետություն (Կֆար Սաբա)՝ «Պատրաստվածություն արտակարգ իրավիճակներում» խորագրով միջազգային դասընթացին մասնակցելու նպատակով:
2. Բագրատ Վարդազարյանի` Իսրայելի Պետություն (Կֆար Սաբա) գործուղման հետ կապված ճանապարհածախսը կատարել Հայաստանի Հանրապետության 2018 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:
3. Ընդունել ի գիտություն, որ Բագրատ Վարդազարյանի՝ Իսրայելի Պետություն (Կֆար Սաբա) գործուղման հետ կապված այլ ծախսերը կատարվելու են հրավիրող կողմի միջոցների հաշվին:
4. Հայաստանի Հանրապետության արտակարգ իրավիճակների նախարարի պաշտոնակատարին՝ ապահովել գործուղումից վերադառնալուց հետո եռօրյա ժամկետում՝ Բագրատ Վարդազարյանի` Իսրայելի Պետություն գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը:
Հայաստանի Հանրապետության
վարչապետի պաշտոնակատար Կ. Կարապետյան
2018 թ. ապրիլի 13
Երևան