ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌԱՋԻՆ ՓՈԽՎԱՐՉԱՊԵՏ
Ո Ր Ո Շ ՈՒ Մ
31 օգոստոսի 2018 թվականի N 96-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԲԱՐԵԳՈՐԾԱԿԱՆ ԾՐԱԳՐԵՐԻ ՀԱՄԱԿԱՐԳՄԱՆ ՀԱՆՁՆԱԺՈՂՈՎԻ 2018 ԹՎԱԿԱՆԻ ՀՈՒՆՎԱՐԻ 26-Ի N Մ-068-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՆՈՒՅՆ ՈՐՈՇՄԱՄԲ ՀԱՍՏԱՏՎԱԾ ԾՐԱԳՐԻ ՇՐՋԱՆԱԿՆԵՐՈՒՄ ԲԵՌՆԵՐԻ ՆԵՐՄՈՒԾՄԱՆ ՄԱՍԻՆ
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝
1. Հայաստանի Հանրապետության կառավարության բարեգործական ծրագրերի համակարգման հանձնաժողովի 2018 թվականի հունվարի 26-ի «Վարդանյան ընտանիք» բարեգործական հիմնադրամի կողմից իրականացվող՝ «Երևանի 2800-ամյակին նվիրված` ք. Երևանի Ա. Մյասնիկյանի արձանի հետնամասում գտնվող` Իտալիայի, Բեյրութի, Մ. Խորենացու և Գ. Լուսավորչի փողոցների սահմաններում պարփակված այգու բարեկարգում և հիմնանորոգում» ծրագրի մասին» N Մ-068-Ա որոշման մեջ կատարել հետևյալ փոփոխությունները՝
1) որոշման 1-ին կետում «1,500,000,000 դրամ» բառերը փոխարինել «2,430,000,000 դրամ» բառերով.
2) որոշմանը կից ծրագիրը շարադրել նոր խմբագրությամբ՝ համաձայն հավելվածի:
2. Սահմանել, որ «Վարդանյան ընտանիք» բարեգործական հիմնադրամի կողմից ձեռք բերված՝ ստորև նշված ապրանքները ներմուծվում են սույն որոշման 1-ին կետում նշված ծրագրի շրջանակներում`
1) բնական գրանիտ՝ 590 քառ.մետր, 21,830 ԱՄՆ-ի դոլարին համարժեք դրամ արժողությամբ, փոխադրման ծախսերը կազմում են 4,511,300 դրամ, Արարատյան մաքսատուն-վարչություն.
2) դրենաժային լուծույթ՝ 40 տ ընդհանուր քաշով, 186,000 ռուսական ռուբլուն համարժեք դրամ արժողությամբ, ԵՏՄ բեռ.
3) սալաքարերի տեղափոխման համար մետաղական փաթեթավորման կոնստրուկցիա՝ 1 հատ, 10,100 ռուսական ռուբլուն համարժեք դրամ արժողությամբ, ԵՏՄ բեռ.
4) կվարցիտից սալաքարեր՝ 5.365 քառ. մետր, 420,569.98 ռուսական ռուբլուն համարժեք դրամ արժողությամբ, ԵՏՄ բեռ.
5) ոսկեգույն-դեղին գրանիտ՝ 590 քառ. մետր, 20,001 ԱՄՆ-ի դոլարին համարժեք դրամ արժողությամբ, փոխադրման ծախսերը կազմում են 3,398,775 դրամ, Արարատյան մաքսատուն-վարչություն.
6) դրենաժային լուծույթ՝ 20 տ ընդհանուր քաշով, 93,000 ռուսական ռուբլուն համարժեք դրամ արժողությամբ, ԵՏՄ բեռ.
7) դրենաժային լուծույթ՝ 20 տ ընդհանուր քաշով, 93,000 ռուսական ռուբլուն համարժեք դրամ արժողությամբ, ԵՏՄ բեռ.
8) բնական գրանիտ (Padang dark)՝ 590 քառ. մետր, 27,509.41 ԱՄՆ-ի դոլարին համարժեք դրամ արժողությամբ, փոխադրման ծախսերը կազմում են 2,400,100 դրամ, Արարատյան մաքսատուն-վարչություն.
9) դրենաժային լուծույթ՝ 20 տ ընդհանուր քաշով, 93,000 ռուսական ռուբլուն համարժեք դրամ արժողությամբ, ԵՏՄ բեռ:
Հայաստանի Հանրապետության
առաջին փոխվարչապետ Ա. ՄԻՐԶՈՅԱՆ
2018 թ. օգոստոսի 31
Երևան
Հավելված
ՀՀ առաջին փոխվարչապետի 2018 թ.
օգոստոսի 31-ի N 96-Ա որոշման
Ծ Ր Ա Գ Ի Ր
Երևանի 2800-ամյակին նվիրված՝ ք. Երևանի Ա. Մյասնիկյանի արձանի հետնամասում գտնվող՝ Իտալիայի, Բեյրութի, Մ. Խորենացու և Գ. Լուսավորչի փողոցների սահմաններում պարփակված այգու բարեկարգման և հիմնանորոգման
1. Ծրագրի նպատակը Հայաստանի Հանրապետության ք. Երևանի Ա. Մյասնիկյանի արձանի հետնամասում գտնվող՝ Իտալիայի, Բեյրութի, Մ. Խորենացու և Գ. Լուսավորչի փողոցների սահմաններում պարփակված այգու բարեկարգում և հիմնանորոգում
2. Ծրագրի բարեգործական որակման նպատակը Ակնկալվում է ծրագրի շրջանակներում օգտվել ՀՀ հարկերի, տուրքերի և պարտադիր վճարների գծով օրենքով սահմանված արտոնություններից:
3. Բարեգործը «Վարդանյան ընտանիք» բարեգործական հիմնադրամ (ՀՀ, ք. Երևան, Մասիսի 31, ՀՎՀՀ՝ 02269952)
4. Ծրագիրը կատարողը «Վարդանյան ընտանիք» բարեգործական հիմնադրամ (ՀՀ, ք. Երևան, Մասիսի 31, ՀՎՀՀ՝ 02269952)
5. Ծրագրի իրականացման վայրը և բնագավառը ք. Երևանի Ա. Մյասնիկյանի արձանի hետնամասում գտնվող՝ Իտալիայի, Բեյրութի, Մ. Խորենացու և Գ. Լուսավորչի փողոցների սահմաններում պարփակված այգի Բնագավառը` քաղաքաշինություն
6. Ծրագրի բյուջեն 2 430 000 000 դրամ
7. Բարեգործություն ստացողը Երևանի համայնք
Ընտրությունը կատարվել է` համաձայն բարեգործությունը ստացողի աջակցության խնդրանքի:
8. Ծրագրի իրականացման տևողությունը 2018 թվականի հունվարի 8-ից մինչև 2018 թ. դեկտեմբերի 1-ը
9. Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը Զբոսայգու նախագծում - 30 000 000 դրամ (այդ թվում` ավարտված 26 688 807 դրամ աշխատանքներ).
Զբոսայգու շինարարական աշխատանքներ-1 100 000 000 դրամ (այդ թվում՝ ավարտված 362 274 095 դրամի աշխատանքներ).
Զբոսայգու կանաչապատում 30 000 000 դրամ.
Շատրվանների կառուցում և վերանորոգում - 900 000 000 դրամ.
Զբոսայգու կահավորում և այդ այգու համար նախատեսված պարագաներով հագեցում - 370 000 000 դրամ (այդ թվում՝ ձեռք բերված 18 217 500 դրամի ապրանքներ).
Միջոցառումների ընդհանուր արժեքը կազմում է 2 430 000 000 դրամ: Նախատեսվում է իրականացնել 2018 թ. հունվարի 8-ից մինչև դեկտեմբերի 1-ն ընկած ժամանակահատվածում:
10. Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը Նախատեսվում է նախագծման ծառայությունների ձեռք բերում՝ 30 000 000 դրամ.
Շինարարական աշխատանքների իրականացման համար ծառայությունների ձեռք բերում՝ 1 100 000 000 դրամ.
Զբոսայգու կանաչապատման ծառայությունների ձեռք բերում՝ 30 000 000 դրամ.
Շատրվանների համար սարքերի, սարքավորումների, պարագաների ձեռք բերում և ներմուծում - 900 000 000 դրամ.
Այգու համար նախատեսված պարագաների ձեռք բերում և ներմուծում - 370 000 000 դրամ.
Ձեռք բերվող ծառայությունների ու ներմուծվող ապրանքների ընդհանուր արժեքը կազմում է 2 430 000 000 դրամ:
11. Ծրագրի իրականացման հետ կապված կազմակերպական ծախսերը Կազմակերպական ծախսեր չեն նախատեսվում:
12. Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ Չի նախատեսվում:
13. Ծրագրի արդյունավետության նկատմամբ վերահսկողության մեխանիզմների նկարագրությունը Ծրագրի արդյունավետության նկատմամբ վերահսկողությունն իրականացվելու է «Վարդանյան ընտանիք» բարեգործական հիմնադրամի հոգաբարձուների խորհրդի կողմից և Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով:
Հայաստանի Հանրապետության
առաջին փոխվարչապետ Ա. ՄԻՐԶՈՅԱՆ