ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՏԱՐԱԾՔ ՕՏԱՐԵԼՈՒ ԹՈՒՅԼՏՎՈՒԹՅԱՆ ՄԱՍԻՆ

«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

12 հուլիսի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 հունիսի 2004 թվականի N 964-Ն

ՏԱՐԱԾՔ ՕՏԱՐԵԼՈՒ ԹՈՒՅԼՏՎՈՒԹՅԱՆ ՄԱՍԻՆ

Հայաստանի Հանրապետության կառավարությունը որոշում է.

1. Թույլատրել «Հայփոստ» փակ բաժնետիրական ընկերությանն իր սեփականությունը հանդիսացող Վանաձորի փոստային մասնաճյուղի N 22 (քաղ. Վանաձոր, Գրիգոր Լուսավորչի 52) և N 01 (քաղ. Վանաձոր, Վարդանանց 49) փոստային բաժանմունքներից համապատասխանաբար` 86,3 քառ. մետր և 91,03 քառ. մետր մակերեսներով տարածքներն օտարել դասական աճուրդով` մեկնարկային գինը սահմանելով 35 ԱՄՆ-ի դոլարին համարժեք դրամ` մեկ քառակուսի մետրի համար:

2. Հայաստանի Հանրապետության տրանսպորտի և կապի նախարարին` սույն որոշումն ուժի մեջ մտնելու օրվանից` եռամսյա ժամկետում կազմակերպել աճուրդի անցկացումը «Հրապարակային սակարկությունների մասին» Հայաստանի Հանրապետության օրենքին համապատասխան:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության

վարչապետ Ա. Մարգարյան

2004 թ. հուլիսի 2

Երևան