ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
23 նոյեմբերի 2018 թվականի N 1573-Ա
ՊԱՏՎԻՐԱԿՈՒԹՅՈՒՆ ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ
Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի՝
1. Հայ-իրանական համատեղ աշխատանքային խմբի նիստին մասնակցելու նպատակով 2018 թվականի դեկտեմբերի 10-12-ը Իրանի Իսլամական Հանրապետություն (Թեհրան) գործուղել պատվիրակություն` համաձայն հավելվածի։
2. Անահիտ Ավանեսյանի, Նելլի Մելիք-Շահնազարյանի և Լիանա Բարսեղյանի՝ Իրանի Իսլամական Հանրապետություն (Թեհրան) գործուղման ճանապարհածախսն ու օրապահիկը կատարել Հայաստանի Հանրապետության 2018 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին։
3. Ընդունել ի գիտություն, որ պատվիրակության անդամների կեցության հետ կապված ծախսերը հոգում է հրավիրող կողմը։
4. Հայաստանի Հանրապետության առողջապահության նախարարին` ապահովել գործուղումից վերադառնալուց հետո եռօրյա ժամկետում պատվիրակության՝ Իրանի Իսլամական Հանրապետություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը։
Հայաստանի Հանրապետության
վարչապետի պաշտոնակատար Ն. Փաշինյան
2018 թ. նոյեմբերի 23
Երևան
Հավելված
ՀՀ վարչապետի 2018 թ.
նոյեմբերի 23-ի N 1573-Ա
որոշման
Կ Ա Զ Մ
2018 ԹՎԱԿԱՆԻ ԴԵԿՏԵՄԲԵՐԻ 10-12-Ը ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹՅՈՒՆ (ԹԵՀՐԱՆ) ՄԵԿՆՈՂ ՊԱՏՎԻՐԱԿՈՒԹՅԱՆ
Անահիտ Ավանեսյան - ՀՀ առողջապահության նախարարի տեղակալ
(պատվիրակության ղեկավար)
Նելլի Մելիք-Շահնազարյան - ՀՀ առողջապահության նախարարության միջազգային հարաբերությունների վարչության միջազգային համագործակցության և արարողակարգի բաժնի գլխավոր մասնագետ
Լիանա Բարսեղյան - ՀՀ առողջապահության նախարարության բժշկական օգնության քաղաքականության վարչության հիվանդանոցային բժշկական օգնության քաղաքականության բաժնի գլխավոր մասնագետ։
Հայաստանի Հանրապետության
վարչապետի պաշտոնակատար Ն. Փաշինյան