ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ «ՀԱՅՇԻՆԱՆՅՈՒԹԱՌ» ՊԵՏԱԿԱՆ ՁԵՌՆԱՐԿՈՒԹՅԱՆ «ԳՅՈՒՄՐԻԻ ԱՌԵՎՏՐԱԿԱՆ ԲԱԶԱ» ԴՈՒՍՏՐ ՁԵՌՆԱՐԿՈՒԹՅԱՆ ԼՈՒԾԱՐՈՒՄԻՑ ՀԵՏՈ ՄՆԱՑԱԾ ԳՈՒՅՔԸ ՄԱՍՆԱՎՈՐԵՑՆԵԼՈՒ ՄԱՍԻՆ

«Վավերացնում եմ»

Հայաստանի Հանրապետության

Նախագահ Ռ. Քոչարյան

3 սեպտեմբերի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 օգոստոսի 2004 թվականի N 1200-Ն

«ՀԱՅՇԻՆԱՆՅՈՒԹԱՌ» ՊԵՏԱԿԱՆ ՁԵՌՆԱՐԿՈՒԹՅԱՆ «ԳՅՈՒՄՐԻԻ ԱՌԵՎՏՐԱԿԱՆ ԲԱԶԱ» ԴՈՒՍՏՐ ՁԵՌՆԱՐԿՈՒԹՅԱՆ ԼՈՒԾԱՐՈՒՄԻՑ ՀԵՏՈ ՄՆԱՑԱԾ ԳՈՒՅՔԸ ՄԱՍՆԱՎՈՐԵՑՆԵԼՈՒ ՄԱՍԻՆ

«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 21-րդ հոդվածին համապատասխան` Հայաստանի Հանրապետության կառավարությունը որոշում է.

1. «Հայշինանյութառ» պետական ձեռնարկության «Գյումրիի առևտրական բազա» դուստր ձեռնարկության լուծարումից հետո մնացած գույքը` համաձայն հավելվածի, որպես գույքի առանձին տարրեր` մասնավորեցնել դասական աճուրդով:

2. Հայաստանի Հանրապետության կառավարությանն առընթեր պետական գույքի կառավարման վարչության պետին`

ա) մեկամսյա ժամկետում կազմակերպել աճուրդի անցկացումը.

բ) գնորդի կողմից համապատասխան վճարումների կատարումից հետո 10-օրյա ժամկետում կնքել պայմանագիր:

3. Սահմանել, որ գնորդը պարտավոր է իր հաշվին վճարել անշարժ գույքի վաճառքից ծագող սեփականության իրավունքի գրանցման հետ կապված վճարներն ու տուրքերը:

4. Վճարումները կատարել Հայաստանի Հանրապետության արժույթով:

Հայաստանի Հանրապետության վարչապետ Ա. Մարգարյան

2004 թ. օգոստոսի 28

Երևան

Հավելված

ՀՀ կառավարության 2004 թվականի

օգոստոսի 26-ի N 1200-Ն որոշման

Ց Ա Ն Կ

«ՀԱՅՇԻՆԱՆՅՈՒԹԱՌ» ՊԵՏԱԿԱՆ ՁԵՌՆԱՐԿՈՒԹՅԱՆ «ԳՅՈՒՄՐԻԻ ԱՌԵՎՏՐԱԿԱՆ ԲԱԶԱ» ԴՈՒՍՏՐ ՁԵՌՆԱՐԿՈՒԹՅԱՆ ԼՈՒԾԱՐՈՒՄԻՑ ՀԵՏՈ ՄՆԱՑԱԾ ԳՈՒՅՔԻ

NN

ը/կ Գույքի անվանումը Շահագործման

տարին Քանակը

(հատ) Վաճառքի մեկնարկային

գինը

(հազ. դրամ)

Շենքեր

1. Ավտոտնակներ (408.51 քառ. մ) 1989 թ. 1 1078,0

2. Պոմպակայան (102.18 քառ. մ) 1989 թ. 1 270,0

3. Էլ. կարգ. կայան (36.6 քառ. մ) 1989 թ. 1 97,0

4. Ավտոկշեռքի շենք (47.18 քառ. մ) 1989 թ. 1 125,0

Տրանսպորտային միջոցներ

5. Ավտոմեքենա «ԶԻԼ-130» 1977 թ. 1 75,0

6. Ավտոմեքենա «ԳԱԶ-53» 1989 թ. 1 50,0

7. Ավտոմեքենա «ԳԱԶ-52/01» 1989 թ. 1 40,0

8. Ավտոմեքենա «ԳԱԶ-52/01» 1989 թ. 1 40,0

Կառուցվածքներ

9. Խանութ-տաղավար 1989 թ. 1 835,0

10. Պահեստ` ՍԱ1 1989 թ. 1 740,0

11. Պահեստ` ՍԱ2 1989 թ. 1 740,0

Հայաստանի Հանրապետության կառավարության աշխատակազմի ղեկավար-նախարար Մ. Թոփուզյան