«Վավերացնում եմ»
Հայաստանի Հանրապետության
Նախագահ Ռ. Քոչարյան
10 հունվարի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
9 դեկտեմբերի 2004 թվականի N 1848-Ն
ՀՈՂԵՐԻ ՆՊԱՏԱԿԱՅԻՆ ՆՇԱՆԱԿՈՒԹՅՈՒՆԸ ՓՈՓՈԽԵԼՈՒ ԵՎ ՀՈՂԱՄԱՍԵՐ ՏՐԱՄԱԴՐԵԼՈՒ ՄԱՍԻՆ
Հայաստանի Հանրապետության հողային օրենսգրքի 7-րդ հոդվածի 2-րդ կետին համապատասխան` Հայաստանի Հանրապետության կառավարությունը որոշում է.
1. Համայնքների վարչական սահմաններից դուրս գտնվող` «Հայանտառ» պետական փակ բաժնետիրական ընկերության «Արմավիրի տնկադաշտային անտառտնտեսություն» դուստր փակ բաժնետիրական ընկերության 216 հեկտար հողերը` համաձայն N 1 հավելվածի, փոխադրել`
ա) 52,0 հեկտար արագաճ բարդիների տնկադաշտերը՝ հատուկ պահպանվող տարածքների հողերի, իսկ ոռոգման ջրի խորքային հորի զբաղեցրած 0,3 հեկտար հողամասը` ջրային հողերի կատեգորիա` Հայաստանի Հանրապետության գիտությունների ազգային ակադեմիայի բուսաբանության ինստիտուտին անհատույց (մշտական) օգտագործման իրավունքով տրամադրելու նպատակով.
բ) 100 հեկտար վարելահողը, 59,7 հեկտար արոտը՝ գյուղատնտեսական նշանակության հողերի կատեգորիա.
գ) 4 հեկտար այլ հողեր՝ հատուկ պահպանվող տարածքների հողերի կատեգորիա և որպես գերեզմանոց սեփականության իրավունքով փոխանցել Հայաստանի Հանրապետության Արմավիրի մարզի Նորավանի գյուղական համայնքին:
2. «Հայանտառ» պետական փակ բաժնետիրական ընկերության «Արմավիրի տնկադաշտային անտառտնտեսություն» դուստր փակ բաժնետիրական ընկերության Մեծամորի անտառտնտեսության 289 հեկտար այլ հողերը փոխադրել էներգետիկայի, կապի, տրանսպորտի և կոմունալ ենթակառուցվածքների օբյեկտների հողերի կատեգորիա` «Հայաստանի ատոմային էլեկտրակայան» փակ բաժնետիրական ընկերությանը` որպես սանիտարական գոտի, անհատույց (մշտական) օգտագործման իրավունքով տրամադրելու նպատակով` համաձայն N 2 հավելվածի:
3. «Հայանտառ» պետական փակ բաժնետիրական ընկերության «Արմավիրի տնկադաշտային անտառտնտեսություն» դուստր փակ բաժնետիրական ընկերության Սարդարապատի անտառտնտեսության 314 հեկտարը, որից` 32 հեկտար անտառ, 282 հեկտար այլ հողեր` համաձայն N 3 հավելվածի, փոխադրել`
ա) Հայաստանի Հանրապետության Արմավիրի մարզի Հուշակերտի գյուղական համայնքի վարչական սահմաններում գտնվող` 66.1 հեկտար անտառային ֆոնդի հողերից՝
5.7 հեկտարը՝ հատուկ պահպանվող տարածքների հողերի կատեգորիա, որից` 4 հեկտարը` գերեզմանոցի համար, իսկ 1.7 հեկտարը` Հայաստանի ազգագրության և ազգային ազատագրական պայքարի պետական թանգարանին անհատույց (մշտական) օգտագործման իրավունքով տրամադրելու նպատակով,
60.4 հեկտարը՝ գյուղատնտեսական նշանակության հողերի կատեգորիա, և անհատույց սեփականության իրավունքով հանձնել Հայաստանի Հանրապետության Արմավիրի մարզի Հուշակերտի գյուղական համայնքին.
բ) համայնքների վարչական սահմաններից դուրս գտնվող` 123.3 հեկտար այլ հողեր՝ գյուղատնտեսական նշանակության հողերի կատեգորիա.
գ) Հայաստանի Հանրապետության Արմավիրի մարզի Արաքսի գյուղական համայնքի վարչական սահմաններում գտնվող՝ 86.4 հեկտար անտառային ֆոնդի հողերից՝
25.3 հեկտարը՝ հատուկ պահպանվող հողերի կատեգորիա` Հայաստանի ազգագրության և ազգային ազատագրական պայքարի պետական թանգարանին անհատույց (մշտական) օգտագործման իրավունքով տրամադրելու նպատակով,
61.1 հեկտարը՝ գյուղատնտեսական նշանակության հողերի կատեգորիա, և անհատույց սեփականության իրավունքով հանձնել Հայաստանի Հանրապետության Արմավիրի մարզի Արաքսի գյուղական համայնքին.
դ) Հայաստանի Հանրապետության Արմավիրի մարզի Նոր Ամասիայի գյուղական համայնքի վարչական սահմաններում գտնվող` 38.2 հեկտար անտառային ֆոնդի այլ հողերից`
3.9 հեկտարը՝ հատուկ պահպանվող հողերի կատեգորիա՝ Հայաստանի ազգագրության և ազգային ազատագրական պայքարի պետական թանգարանին անհատույց (մշտական) օգտագործման իրավունքով տրամադրելու նպատակով,
34.3 հեկտարը՝ գյուղատնտեսական նշանակության հողերի կատեգորիա, և անհատույց սեփականության իրավունքով հանձնել Հայաստանի Հանրապետության Արմավիրի մարզի Նոր Ամասիայի գյուղական համայնքին:
4. Ծաղկունքի վարչական սահմաններում գտնվող` 26.7 հեկտար անտառային ֆոնդի հողերը փոխադրել գյուղատնտեսական նշանակության հողերի կատեգորիա` որպես վարելահող, և անհատույց սեփականության իրավունքով հանձնել Հայաստանի Հանրապետության Արմավիրի մարզի Ծաղկունքի գյուղական համայնքին` համաձայն N 4 հավելվածի:
5. Հայաստանի Հանրապետության Արմավիրի մարզպետին` 15-օրյա ժամկետում, սույն որոշման 1-ին և 2-րդ կետերին համապատասխան, ապահովել Հայաստանի Հանրապետության գիտությունների ազգային ակադեմիայի բուսաբանության ինստիտուտին և «Հայաստանի ատոմային էլեկտրակայան» փակ բաժնետիրական ընկերությանը հողամասերի տրամադրումը, ինչպես նաև Հայաստանի Հանրապետության Արմավիրի մարզի Հուշակերտի, Արաքսի և Նոր Ամասիայի գյուղական համայնքների ղեկավարների միջոցով, սույն որոշման 3-րդ կետին համապատասխան, Հայաստանի ազգագրության և ազգային ազատագրական պայքարի պետական թանգարանին հողամասերի տրամադրումը:
6. Տրամադրվող տարածքների գույքային իրավունքների պետական գրանցումն իրականացնել հողօգտագործող սուբյեկտների միջոցների հաշվին:
Հայաստանի Հանրապետության
վարչապետ Ա. Մարգարյան
2004 թ. դեկտեմբերի 15
Երևան
Հավելված N 1
ՀՀ կառավարության 2004 թվականի
դեկտեմբերի 9-ի N 1848-Ն որոշման
Հ Ա Տ Ա Կ Ա Գ Ի Ծ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՄԱՎԻՐԻ ՄԱՐԶԻ ԱՆՏԱՌՏՆՏԵՍՈՒԹՅԱՆ ՆՈՐԱՎԱՆԻ ՀԱՏՎԱԾԻ ՀՈՂԵՐԻ
Հայաստանի Հանրապետության
կառավարության աշխատակազմի
ղեկավար-նախարար Մ. Թոփուզյան
Հավելված N 2
ՀՀ կառավարության 2004 թվականի
դեկտեմբերի 9-ի N 1848-Ն որոշման
Հ Ա Տ Ա Կ Ա Գ Ի Ծ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՄԱՎԻՐԻ ՄԱՐԶԻ ԱՆՏԱՌՏՆՏԵՍՈՒԹՅԱՆ ՀՈՂԱՏԱՐԱԾՔՆԵՐԻՑ «ՀԱՅԱՍՏԱՆԻ ԱՏՈՄԱՅԻՆ ԷԼԵԿՏՐԱԿԱՅԱՆ» ՓԲԻ-ԻՆ ՀԱՏԿԱՑՎՈՂ ՀՈՂԵՐԻ
Հայաստանի Հանրապետության
կառավարության աշխատակազմի
ղեկավար-նախարար Մ. Թոփուզյան
Հավելված N 3
ՀՀ կառավարության 2004 թվականի
դեկտեմբերի 9-ի N 1848-Ն որոշման
Հ Ա Տ Ա Կ Ա Գ Ի Ծ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՄԱՎԻՐԻ ՄԱՐԶԻ ԱՆՏԱՌԱՅԻՆ ՖՈՆԴԻՑ ՆՈՒՅՆ ՄԱՐԶԻ ԱՐԱՔՍԻ, ՆՈՐ ԱՄԱՍԻԱՅԻ ԵՎ ՀՈՒՇԱԿԵՐՏԻ ԳՅՈՒՂԱԿԱՆ ՀԱՄԱՅՆՔՆԵՐԻՆ ՓՈԽԱՆՑՎՈՂ ՀՈՂԵՐԻ
Հայաստանի Հանրապետության
կառավարության աշխատակազմի
ղեկավար-նախարար Մ. Թոփուզյան
Հավելված N 4
ՀՀ կառավարության 2004 թվականի
դեկտեմբերի 9-ի N 1848-Ն որոշման
Հ Ա Տ Ա Կ Ա Գ Ի Ծ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՄԱՎԻՐԻ ՄԱՐԶԻ ԱՆՏԱՌՏՆՏԵՍՈՒԹՅԱՆ ԾԱՂԿՈՒՆՔԻ ՀԱՏՎԱԾԻ ՀՈՂԵՐԻ
Հայաստանի Հանրապետության
կառավարության աշխատակազմի
ղեկավար-նախարար Մ. Թոփուզյան