ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
8 օգոստոսի 2019 թվականի N 1095-Ա
ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասով՝
1. Հայաստանի Հանրապետության պետական եկամուտների կոմիտեի Հյուսիսային մաքսատուն-վարչության արդիականացման ծրագրի շրջանակում աշխատանքների արդյունավետ իրականացման նպատակով ստեղծել աշխատանքային խումբ և հաստատել դրա անհատական կազմը՝ համաձայն հավելվածի:
2. Աշխատանքային խմբի ղեկավարին՝ յուրաքանչյուր շաբաթ Հայաստանի Հանրապետության վարչապետին ներկայացնել տեղեկատվություն՝ վերոնշյալ աշխատանքների կատարման ընթացքի վերաբերյալ:
Հայաստանի Հանրապետության
վարչապետ Ն. ՓԱՇԻՆՅԱՆ
2019 թ. օգոստոսի 8
Երևան
Հավելված
ՀՀ վարչապետի 2019 թվականի
օգոստոսի 8-ի N 1095-Ա որոշման
Ա Ն Հ Ա Տ Ա Կ Ա Ն Կ Ա Զ Մ
Դավիթ Անանյան - ՀՀ պետական եկամուտների կոմիտեի նախագահ (աշխատանքային խմբի ղեկավար)
Շուշանիկ Ներսիսյան - ՀՀ պետական եկամուտների կոմիտեի նախագահի տեղակալ
Միքայել Փաշայան - ՀՀ պետական եկամուտների կոմիտեի նախագահի տեղակալ
Էդգար Գևորգյան - ՀՀ պետական եկամուտների կոմիտեի գլխավոր քարտուղար
Արամ Թանանյան - ՀՀ պետական եկամուտների կոմիտեի նախագահի խորհրդական
Վաչե Տերտերյան - ՀՀ տարածքային կառավարման և ենթակառուցվածքների նախարարի տեղակալ
Ռաֆիկ Գրիգորյան - ՀՀ արդարադատության նախարարի առաջին տեղակալ՝ հրավիրված անդամի կարգավիճակում (ըստ անհրաժեշտության)
Արթուր Տոնոյան - ՀՀ ոստիկանության ճանապարհային ոստիկանության պետի տեղակալ, ոստիկանության գնդապետ
Մարտուն Գրիգորյան - ՀՀ կառավարությանը ենթակա քաղաքաշինության կոմիտեի ճարատարապետության և քաղաքաշինության վարչության խորհրդական՝ հրավիրված անդամի կարգավիճակում (ըստ անհրաժեշտության)
Արայիկ Առաքելյան - ՀՀ անշարժ գույքի կադաստրի կոմիտեի ՀՀ Շիրակի մարզային ստորաբաժանման ղեկավար
Նարեկ Բաբայան - ՀՀ տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահ՝ հրավիրված անդամի կարգավիճակում (ըստ անհրաժեշտության)
Ալբերտ Մարգարյան - ՀՀ Շիրակի մարզպետարանի քաղաքաշինության վարչության պետ՝ հրավիրված անդամի կարգավիճակում (ըստ անհրաժեշտության)
Հենրիկ Գասպարյան - Գյումրիի քաղաքապետարանի քաղաքաշինության և ճարտարապետության բաժնի պետի տեղակալ (համաձայնությամբ)
Էլիզաբեթ Մամիկոնյան - ՀՀ պետական եկամուտների կոմիտեի նախագահի օգնական (աշխատանքային խմբի քարտուղար)
Հայաստանի Հանրապետության
վարչապետի աշխատակազմի
ղեկավարի տեղակալ Ծ. Սողոմոնյան