ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
4 հոկտեմբերի 2016 թվականի թիվ 114 քաղ. Մոսկվա
ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՆԵՐՔԻՆ ՇՈՒԿԱՅԻ ԳՈՐԾՈՒՆԵՈՒԹՅԱՆ ՇՐՋԱՆԱԿՆԵՐՈՒՄ ՂԱԶԱԽՍՏԱՆԻ ՀԱՆՐԱՊԵՏՈՒԹՅԱՆ ԿՈՂՄԻՑ ՊԱՐՏԱՎՈՐՈՒԹՅՈՒՆՆԵՐԸ ԿԱՏԱՐԵԼՈՒ ՄԱՍԻՆ
Ի գիտություն ընդունելով Ղազախստանի Հանրապետության կողմից Եվրասիական տնտեսական միության ներքին շուկայի գործունեության շրջանակներում Եվրասիական տնտեսական միության մաքսային տարածքում կարանտինային բուսասանիտարական հոկողություն (վերահսկողություն) իրականացնելու և տվյալ հսկողությունը (վերահսկողությունը) պետական սահմանի ղրղզա-ղազախական հատվածում վերացնելու մասով պարտավորությունների կատարման մոնիթորինգի արդյունքների մասին տեղեկատվությունը, նշելով Եվրասիական տնտեսական բարձրագույն խորհրդի՝ «Պետական սահմանի ղրղզա-ղազախական հատվածում սանիտարակարանտինային, անասնաբուժասանիտարական և կարանտինային բուսասանիտարական հսկողությունը (վերահսկողությունը) վերացնելու մասին» 2015 թվականի մայիսի 8-ի թիվ 6 որոշումը և Մաքսային միության հանձնաժողովի՝ «Եվրասիական տնտեսական միությունում բույսերի կարանտինի ապահովման մասին» 2010 թվականի հունիսի 18-ի թիվ 318 որոշումը Ղազախստանի Հանրապետության կողմից չկատարելը՝ Եվրասիական տնտեսական հանձնաժողովի կոլեգիան, «Եվրասիական տնտեսական հանձնաժողովի մասին» հիմնադրույթի («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 1 հավելված) 43-րդ կետի 4-րդ ենթակետին համապատասխան,
1. Ծանուցել Ղազախստանի Հանրապետությանը՝ Եվրասիական տնտեսական բարձրագույն խորհրդի 2015 թվականի մայիսի 8–ի թիվ 6 որոշումը պետական սահմանի ղրղզա-ղազախական հատվածում բուսասանիտարական հսկողությունը (վերահսկողությունը) վերացնելու մասով իրականացնելիս «Եվրասիական տնտեսական միության մասին» 2014 թվականի մայիսի 29-ի պայմանագրի 25-րդ հոդվածի 1-ին կետի 5-րդ ենթակետը կատարելու անհրաժեշտության մասին:
Խնդրել Ղազախստանի Հանրապետության կառավարությանը սույն որոշումն ուժի մեջ մտնելու օրվանից 10 օրացուցային օրվա ընթացքում Եվրասիական տնտեսական հանձնաժողովին տեղեկացնել ձեռնարկված միջոցների մասին:
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
Եվրասիական տնտեսական հանձնաժողովի կոլեգիայի նախագահ՝ Տ. Սարգսյան
Պաշտոնական հրապարակման օրը՝ 22 հունիսի 2022 թվական: