ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
28 փետրվարի 2018 թվականի թիվ 31 քաղ. Մոսկվա
ԹՐԹՌԱՍԱԼԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ
Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.
1. Թրթռասալը ոչ ինքնագնաց մեքենա է, կառավարվում է կողքից քայլող օպերատորի կողմից, նախատեսված է գրունտի, ասֆալտի ծածկույթի տոփանման և խտացման, փողոցների սալարկման համար, կազմված է հիմնական բաղադրիչներից (շարժիչային շրջանակից, աշխատանքային սալից, թրթռիչից (վիբրատորից), շարժիչից (էլեկտրական կամ ներքին այրման), կառավարման բռնակից) և լրացուցիչ (ոչ պարտադիր) բաղադրիչներից (կենտրոնախույս կցորդիչից, ջրի բաքից, տրանսպորտային անիվներից, կառավարման բռնակի վրա տեղակայված կառավարման վահանից, ամորտիզացման ռետինե գորգից), Արտաքին տնտեսական գործունեության միասնական ապրանքային անվանացանկի մեկնաբանության 1-ին և 6-րդ հիմնական կանոններին համապատասխան՝ դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8430 61 000 0 ենթադիրքում։
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:
Եվրասիական տնտեսական հանձնաժողովի կոլեգիայի նախագահ՝ Տ. Սարգսյան
Պաշտոնական հրապարակման օրը՝ 22 հունիսի 2022 թվական: