ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ
Ո Ր Ո Շ ՈՒ Մ
9 ապրիլի 2020 թվականի N 211-Ա
ՀԱՅԿԱԿԱՆ ԲԱՐԵԳՈՐԾԱԿԱՆ ԸՆԴՀԱՆՈՒՐ ՄԻՈՒԹՅԱՆ ՀԱՅԱՍՏԱՆԻ ՆԵՐԿԱՅԱՑՈՒՑՉՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ «ԱՆԳԼԵՐԵՆ ԼԵԶՎԻ ԴԱՍԸՆԹԱՑՆԵՐԻ ԿԱԶՄԱԿԵՐՊՈՒՄ» ԾՐԱԳՐԻ ՄԱՍԻՆ
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝
1. Բարեգործական որակել Հայկական բարեգործական ընդհանուր միության Հայաստանի ներկայացուցչության կողմից (Հայաստանի Հանրապետություն, քաղ. Երևան, Մարշալ Բաղրամյան 40, ՀՎՀՀ՝ 00006479) իրականացվող՝ 6,264,000 դրամ ընդհանուր արժողությամբ «Անգլերեն լեզվի դասընթացների կազմակերպում» ծրագիրը՝ համաձայն հավելվածի:
2. Սահմանել, որ Հայկական բարեգործական ընդհանուր միության Հայաստանի ներկայացուցչության կողմից կնքված ստորև նշված պայմանագրով նախատեսված գործարքը անմիջականորեն կապված է սույն որոշման 1‑ին կետում նշված ծրագրի իրականացման հետ և դրա համար ունի զգալի նշանակություն՝
1) «Հայաստանի ամերիկյան համալսարան» հիմնադրամի (ՀՎՀՀ` 01511187) և «Մայր Աթոռ Սուրբ Էջմիածնի Գևորգյան հոգևոր ճեմարան (Աստվածաբանական համալսարան) հասարակական միության հետ (ՀՎՀՀ` 04717629) 2020 թվականի փետրվարի 27-ին կնքված եռակողմ պայմանագրում նշված գործարքը, որով նախատեսվում է անգլերեն լեզվի ուսուցման դասընթացների կազմակերպում և իրականացում՝ 6,264,000 դրամի չափով, առանց ավելացված արժեքի հարկի:
3. Հայկական բարեգործական ընդհանուր միության Հայաստանի ներկայացուցչությանը՝ մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարած աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:
Հայաստանի Հանրապետության
փոխվարչապետ Տ. Ավինյան
2020 թ. ապրիլի 9
Երևան
Հավելված
ՀՀ փոխվարչապետի 2020 թ.
ապրիլի 9-ի N 211-Ա որոշման
«ՀԱՅԿԱԿԱՆ ԲԱՐԵԳՈՐԾԱԿԱՆ ԸՆԴՀԱՆՈՒՐ ՄԻՈՒԹՅԱՆ ՀԱՅԱՍՏԱՆԻ ՆԵՐԿԱՅԱՑՈՒՑՉՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ «ԱՆԳԼԵՐԵՆ ԼԵԶՎԻ ԴԱՍԸՆԹԱՑՆԵՐԻ ԿԱԶՄԱԿԵՐՊՈՒՄ» ԾՐԱԳԻՐ
1․ Ծրագրի նպատակը Ծրագրի նպատակն է «Մայր Աթոռ Սբ. Էջմիածնի Գևորգյան հոգևոր ճեմարան (Աստվածաբանական համալսարան)» ՀՄ-ի ուսանողների համար կազմակերպել անգլերեն լեզվի դասընթացներ՝ համաձայնեցված ուսանողների կրթական և մասնագիտական պահանջներին:
2․ Ծրագրի բարեգործական որակման նպատակը Օրենքով սահմանված կարգով օգտվել ՀՀ հարկերի, տուրքերի և պարտադիր վճարների գծով արտոնություններից։
3․ Բարեգործը Հայկական բարեգործական ընդհանուր միություն (ՀԲԸՄ), 55 Արևելք, 59-րդ փող. Նյու Յորք, NY 10022-1112:
4․ Ծրագիրը կատարողը Հայկական բարեգործական ընդհանուր միության (ՀԲԸՄ) Հայաստանի ներկայացուցչություն (ՀՀ, ք․ Երևան, Բաղրամյան 40, ՀՎՀՀ 00006479):
5․ Ծրագրի իրականացման վայրը և բնագավառը Հայաստանի Հանրապետություն, ք. Վաղարշապատ, կրթական։
6․ Ծրագրի բյուջեն 6 264 000 դրամ:
7․ Բարեգործություն ստացողը «Մայր Աթոռ Սբ. Էջմիածնի Գևորգյան հոգևոր ճեմարան (Աստվածաբանական համալսարան)» ՀՄ-ի (ՀՀ. ք. Վաղարշապատ 1101, ՀՎՀՀ 04717629 ) ուսանողները:
8․ Ծրագրի իրականացման տևողությունը 2020թ․ ապրիլի 6-ից մինչև դեկտեմբերի 30-ը։
9․ Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը Ծրագրի շրջանակներում Հայաստանի ամերիկյան համալսարանի «Անգլերենի՝ որպես օտար լեզվի մագիստրոսական ծրագրի և Կիրառական լեզվաբանության հետազոտական կենտրոն»-ի կողմից «Մայր Աթոռ Սբ. Էջմիածնի Գևորգյան հոգևոր ճեմարան (Աստվածաբանական համալսարան)» ՀՄ-ի ուսանողներին դասավանդվելու է անգլերեն լեզու սկզբնական (սկսնակ և տարրական), միջին (միջին թույլ և միջին) և բարձր մակարդակներով՝ կախված ուսանողի գիտելիքների ստուգման արդյունքներից: Դասընթացները նախատեսված են բակալավրի ծրագրում ընդգրկված բոլոր ուսանողների համար, իսկ մագիստրատուրայի ուսանողներին դասավանդվելու են TOEFL քննության նախապատրաստական դասընթացներ:
Լեզվի դասավանդումը իրականացվելու է երկու փուլով. առաջին փուլը՝ ապրիլի 6-ից հունիսի 30-ը, երկրորդ փուլը՝ սեպտեմբերի 1-ից դեկտեմբերի 30-ը: Յուրաքանչյուր փուլ ընդգրկում է շաբաթական 2 դասընթաց բոլոր մակարդակներում, յուրաքանչյուր դասընթացը 2 ակադեմիական ժամ տևողությամբ: Դասընթացների ընդհանուր բյուջեն երկու փուլերի համար կազմում է 6 264 000 (վեց միլիոն երկու հարյուր վաթսունչորս հազար) դրամ՝ առանց ԱԱՀ:
10․ Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը Հայաստանի ամերիկյան համալսարանին պատվիրել ներքոգրյալ ծառայությունները, որոնց ընդհանուր արժեքը կազմում է 6 264 000 դրամ՝ առանց ԱԱՀ.
- բակալավրի ծրագրում ընդգրկված ուսանողների համար անգլերեն լեզվի դասընթացների կազմակերպում և անցկացում, ինչպես նաև TOEFL քննության նախապատրաստական դասընթացներ մագիստրատուրայի ուսանողների համար:
11․ Ծրագրի իրականացման հետ կապված կազմակերպական ծախսերը Ծրագրի իրականացման հետ կապված կազմակերպական ծախսեր չեն նախատեսվում:
12․ Համագործակցությունը պետական կառավարման, տեղական ինքնակառավարման մարմինների և այլ մարմինների հետ Չի նախատեսվում:
13․ Ծրագրի արդյունավետության նկատմամբ վերահսկողության մեխանիզմների նկարագրությունը Յուրաքանչյուր դասընթացի սկզբում և ավարտին մասնակիցները հանձնելու են գիտելիքի ստուգման թեստեր՝ գնահատելու համար մասնակցի առաջադիմությունը:
Հաշվետվություններ են ներկայացվելու Հայկական բարեգործական ընդհանուր միության (ՀԲԸՄ) կենտրոնական վարչության և ՀՀ կառավարության 2003 թ. հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով:
Հայաստանի Հանրապետության
փոխվարչապետ Տ. Ավինյան