ՀԵՌՈՒՍՏԱՏԵՍՈՒԹՅԱՆ ԵՎ ՌԱԴԻՈՅԻ ՀԱՆՁՆԱԺՈՂՈՎ
19 մայիսի 2020 թվականի
ք. Երևան թիվ 28-Ա
Ո Ր Ո Շ ՈՒ Մ
«ՏԵԼԵԼԵՔՍ» ՍՊ ԸՆԿԵՐՈՒԹՅԱՆ ՀԵՌՈՒՍՏԱԾՐԱԳՐԵՐԻ ԵԹԵՐԱՅԻՆ ՀԵՌԱՐՁԱԿՄԱՆ ԼԻՑԵՆԶԻԱՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Ղեկավարվելով «Հեռուստատեսության և ռադիոյի մասին» ՀՀ օրենքի 61-րդ) հոդվածի 1-ին մասի 8-րդ կետի, 4-րդ մասի, «Լիցենզավորման մասին» ՀՀ օրենքի 37-րդ հոդվածի 37-րդ մասի դրույթներով և հիմք ընդունելով «ՏԵԼԵԼԵՔՍ» ՍՊ ընկերության հեռու հեռուստածրագրերի եթերային հեռարձակման լիցենզիայի գործողությունը դադարեցնելու վերաբերյալ 2020 թվականի մայիսի 12-ի դիմումը՝ Հեռուստատեսության և ռադիոյի հանձնաժողովը որոշեց.
1. Բավարարել «ՏԵԼԵԼԵՔՍ» ՍՊ ընկերության դիմումը և ուժը կորցրած ճանաչել հեռուստածրագրերի եթերային հեռարձակման թիվ 168 լիցենզիան։
2. Սույն որոշումն ուժի մեջ է մտնում այն «ՏԵԼԵԼԵՔՍ» ՍՊ ընկերությանը հանձնելու օրվան հաջորդող օրվանից։
3. Սույն որոշումը կարող է բողոքարկվել ՀՀ վարչական դատարան՝ ուժի մեջ մտնելու օրվանից երկամսյա ժամկետում։
Հեռուստատեսության և ռադիոյի
հանձնաժողովի նախագահ Տ. Հակոբյան