ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
25 հունիսի 2020 թվականի N 1080-Ա
«ՀԱՅԱՍՏԱՆԻ ԵՐԳԻ ՊԵՏԱԿԱՆ ԹԱՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆԸ ՎԱՐՁԱԿԱԼՈՒԹՅԱՆ ՊԱՅՄԱՆԱԳՐԵՐ ԿՆՔԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Հիմք ընդունելով Հայաստանի Հանրապետության քաղաքացիական օրենսգրքի 609-րդ հոդվածը և «Պետական ոչ առևտրային կազմակերպությունների մասին» օրենքի 5-րդ հոդվածի 3-րդ մասը` Հայաստանի Հանրապետության կառավարությունը որոշում է.
1. Թույլատրել «Հայաստանի երգի պետական թատրոն» պետական ոչ առևտրային կազմակերպությանը (այսուհետ՝ կազմակերպություն) իրեն անհատույց օգտագործման իրավունքով ամրացված՝ քաղ. Երևան, Կենտրոն, Խանջյան 13/1 հասցեում գտնվող անշարժ գույքից մեկ տարի ժամկետով վարձակալությամբ տարածքներ (այսուհետ՝ տարածքներ) տրամադրել՝ համաձայն հավելվածի:
2. Սահմանել, որ վարձակալության տրամադրվող տարածքների վարձակալությունից ստացված միջոցներն ուղղվում են կազմակերպության բյուջե:
3. Պետական գույքի կառավարման կոմիտեի նախագահին` սույն որոշումն ուժի մեջ մտնելուց հետո երկամսյա ժամկետում, հիմք ընդունելով չափագրման արդյունքում ստացված տվյալները, ապահովել կազմակերպության և վարձակալների միջև ոչ բնակելի տարածքների վարձակալության պայմանագրերի (այսուհետ՝ պայմանագրեր) կնքումը՝ համաձայն սույն որոշման հավելվածի՝ դրանցում նախատեսելով, որ պայմանագրերի նոտարական վավերացման և պայմանագրերից ծագող գույքային իրավունքների պետական գրանցման ծախսերը ենթակա են իրականացման՝ վարձակալների միջոցների հաշվին:
Հայաստանի Հանրապետության
վարչապետ Ն. Փաշինյան
2020 թ. հունիսի 29
Երևան
Հավելված
ՀՀ կառավարության 2020 թվականի
հունիսի 25-ի N 1080-Ա որոշման
ՎԱՐՁԱԿԱԼՈՒԹՅԱՄԲ ՏՐԱՄԱԴՐՎՈՂ ՏԱՐԱԾՔՆԵՐԸ
NN
ը/կ Կազմակերպության անվանումը Հարկը (սենյակ) Մակերեսը (քառ. մ) Ամսական վարձավճարը (դրամ)
1. «Արթուր Գրիգորյանի երգի ակադեմիա» ՍՊԸ 8-րդ, 9-րդ 370.5 1 000 000
2. «Ռադիո Վան» ՍՊԸ 7-րդ հարկն ամբողջությամբ և 5-րդ հարկը (5/1,5/2,5/4) 239.1 և 55.5 788 000
3. Քաղաքացի Էդգար Հակոբյան 5-րդ հարկ (5/9) 37.8 103 000
4. «ՌԵՆԿԱՌՆԱՑԻԱ» ՍՊԸ 6-րդ հարկ (6/3) 55.7 151 000
5. «Դուետրո Կիդս» ՍՊԸ 6-րդ հարկ (6/5) 45.1 122 000
6. Քաղաքացի Սևակ Մելքոնյան 6-րդ հարկ (6/1) 37.0 100 000
7. Սերգեյ Արմենակի Խաչատրյան Ա/Ձ 6-րդ հարկ (6/4) 44.9 122 000
8. Քաղաքացի Նարեկ Ստամբոլցյան 3-րդ հարկ (3/7) 26.4 73 000
9. Քաղաքացի Արմեն Սարգսյան 6-րդ հարկ (6/2) 18.4 51 000
10. Անի Սերգեյի Բադասյան Ա/Ձ 5-րդ հարկ (5/3) 18.4 51 000
11. Քաղաքացի Մելսիկ Գասպարյան 5-րդ հարկ (5/6) 19.2 53 000
12. Քաղաքացի Մագբեթ Գասպարյան 5-րդ հարկ (5/7) 12.7 35 000
13. Քաղաքացի Արսեն Բարսամյան 5-րդ հարկ (5/5) 36.7 100 000
14. Քաղաքացի Հարություն Հարությունյան 5-րդ հարկ (5/8) 13.5 37 000
Հայաստանի Հանրապետության
վարչապետի աշխատակազմի
ղեկավար Է. Աղաջանյան