Հոդված 1. «Արտակարգ իրավիճակներում բնակչության պաշտպանության մասին» 1998 թվականի դեկտեմբերի 2-ի ՀՕ-265 օրենքի (այսուհետ՝ Օրենք) 1-ին հոդվածի 1-ին մասում՝
Հոդված 1. «Արտակարգ իրավիճակներում բնակչության պաշտպանության մասին» 1998 թվականի դեկտեմբերի 2-ի ՀՕ-265 օրենքի (այսուհետ՝ Օրենք) 1-ին հոդվածի 1-ին մասում՝
1) երկրորդ պարբերությունը շարադրել հետևյալ խմբագրությամբ.
«բնակչության պաշտպանություն՝ արտակարգ իրավիճակում մարդկանց կյանքի և առողջության պաշտպանությանը, վտանգների կանխմանը և նվազեցմանը, բնականոն կենսագործունեության ապահովմանը և վերականգնմանն ուղղված իրավական, կազմակերպական, ինժեներատեխնիկական փոխկապակցված միջոցառումների համալիր.».
2) հինգերորդ պարբերությունը «աշխատանքների կատարում» բառերից հետո լրացնել «, ինչպես նաև կարանտին սահմանելու մասին Հայաստանի Հանրապետության կառավարության որոշմամբ կիրառվող միջոցառումների իրականացում» բառերով.
3) վեցերորդ պարբերությունը «մաս» բառից հետո լրացնել «(կարանտին սահմանելու դեպքում՝ համաճարակի գոտի)» բառերով.
4) իններորդ պարբերության «և մանրէաբանական նյութերից» բառերը փոխարինել «, մանրէաբանական նյութերից և վարակիչ հիվանդություններից» բառերով: