ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
29 օգոստոսի 1996 թվականի N 493
քաղ. Երևան
ՉՀԱՇՎԱՌՎԱԾ ՏՆՏԵՍՈՒԹՅԱՆ ՉԱՓԵՐԸ ԳՆԱՀԱՏԵԼՈՒ ՀԱՄԱՐ ԱՆՀՐԱԺԵՇՏ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆՆԵՐԻ ԵՎ ՏԵՂԵԿԱՆՔՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ
1. Հաստատել չհաշվառված տնտեսության չափերը գնահատելու համար անհրաժեշտ վիճակագրական հաշվետվությունների և տեղեկանքների ցանկը (կցվում է):
2. Հայաստանի Հանրապետության վիճակագրության, պետական ռեգիստրի և վերլուծության վարչությանը` մինչև 1996 թվականի հոկտեմբերի 1-ը ներդնել հաշվետվությունների և տեղեկանքների (ցանկում նշված) ձևերը:
3. Հայաստանի Հանրապետության նախարարություններին, վարչություններին, գերատեսչություններին, պետական կառավարման տարածքային և տեղական ինքնակառավարման մարմիններին (մինչև վերջիններիս ձևավորումը` պատգամավորների քաղաքային, գյուղական խորհուրդների գործադիր կոմիտեներին)` ապահովել չհաշվառված տնտեսությանը վերաբերող անհրաժեշտ տեղեկատվության ներկայացումը Հայաստանի Հանրապետության վիճակագրության, պետական ռեգիստրի և վերլուծության վարչություն` նրա կողմից սահմանված ժամկետներում:
4. Հանձնարարել Հայաստանի Հանրապետության դատախազությանը և առաջարկել Հայաստանի Հանրապետության կենտրոնական բանկին ու Հայկոոպի վարչությանը չհաշվառված տնտեսության չափերը գնահատելու համար անհրաժեշտ տեղեկատվություն տրամադրել Հայաստանի Հանրապետության վիճակագրության, պետական ռեգիստրի և վերլուծության վարչությանը:
5. Սույն որոշումը կիրարկել 1996 թվականի հոկտեմբերի 1-ից:
Հայաստանի Հանրապետության վարչապետ Հ. ԲԱԳՐԱՏյան
Հաստատված է
ՀՀ վարչապետի 1996 թվականի
օգոստոսի 29-ի N 493 որոշմամբ
Ց Ա Ն Կ
ՉՀԱՇՎԱՌՎԱԾ ՏՆՏԵՍՈՒԹՅԱՆ ՉԱՓԵՐԸ ԳՆԱՀԱՏԵԼՈՒ ՀԱՄԱՐ ԱՆՀՐԱԺԵՇՏ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆՆԵՐԻ ԵՎ ՏԵՂԵԿԱՆՔՆԵՐԻ
NN
ը/կ Հաշվետվության տեղեկանքի անվանումը Ինդեքսը Պարբերականու-թյունը Ներկայացնողը
1 2 3 4 5
1. Տեղեկանք հարկային պարտավորությունների չկատարման վերաբերյալ տեղեկանք-1 տարեկան ՀՀ հարկային տեսչություն
2. Տեղեկանք բացահայտված տնտեսական հանցագործությունների ամփոփ ցուցանիշների վերաբերյալ տեղեկանք-2 տարեկան ՀՀ դատախազություն և իրավապահ մարմիններ
3. Տեղեկանք հայտնաբերված մաքսային իրավախախտումների վերաբերյալ տեղեկանք-3 տարեկան ՀՀ մաքսային վարչություն
4. Հաշվետվություն առևտրի և սպասարկումների օբյեկտների թվաքանակի ու զբաղեցրած տարածքների չափերի վերաբերյալ 1-առ-
սպաս եռամսյակային Երևանի քաղաքապետ, ՀՀ մարզպետներ, տեղական ինքնակառավարման մարմիններ, Հայկոոպի վարչություն
5. Հաշվետվություն տոնավաճառ-տոնավաճառներում առևտրի կետերի թվի և ապրանքաշրջանառության ծավալների վերաբերյալ 1-տոն-առ ամսական տոնավաճառներ կազմակերպող, տնտեսավարող սուբյեկտներ
6. Հաշվետվություն չարտերային չվերթների և դրանց գծով ուղևորաշրջանառության վերաբերյալ 1-չարտեր ամսական ՀՀ քաղաքացիական ավիացիայի գլխավոր վարչություն
7. Տեղեկանք քաղաքացիների կողմից ՀՀ ներմուծվող և ՀՀ-ից արտահանվող գումարների չափերի ու իրերի քանակի և արժեքի վերաբերյալ 1-ուղևոր ամսական ՀՀ մաքսային վարչություն
8. Տեղեկանք արտարժույթի փոխանակման կետերի թվի և շրջանառության ծավալների վերաբերյալ տեղեկանք-4 եռամսյակային ՀՀ կենտրոնական բանկ, տեղական ինքնակառավարման մարմիններ
9. Տեղեկանք դրամի և արտարժույթի չվերահսկվող շրջանառության գնահատականի վերաբերյալ տեղեկանք-5 տարեկան ՀՀ կենտրոնական բանկ
10. Հաշվետվություն անշարժ գույքի առուծախի վերաբերյալ 1-գույք եռամսյակային ՀՀ քաղաքաշինության նախարարություն, ՀՀ արդարադատության նախարարություն, տեղական ինքնակառավարման մարմիններ
11. Հաշվետվություն ավտոմեքենաների առուծախի վերաբերյալ 1-ավտո եռամսյակային ՀՀ ներքին գործերի նախարարություն, ՀՀ արդարադատության նախարարություն
12. Հաշվետվություն տուրիզմի և բիզնես-տուրիզմի վերաբերյալ 1-տուր եռամսյակային ՀՀ առևտրի, սպասարկումների և զբոսաշրջիկության նախարարություն, տուրիստական գործունեությամբ զբաղվող տնտեսավարող սուբյեկտներ
13. Հաշվետվություն հյուրանոցներում սպասարկվող անձանց թվաքանակի վերաբերյալ 1-հյուր եռամսյակային Հյուրանոցներ և հյուրանոցային ծառայություններ մատուցող այլ ձեռնարկություններ ու կազմակերպություններ
.-) Ապրանքաշրջանառության ծավալները հաշվարկվում (գնահատվում) են համաձայն ՀՀ վիճակագրության, պետական ռեգիստրի և վերլուծության վարչության կողմից մշակվող մեթոդական ցուցումների: