ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
09 դեկտեմբեր 2019 թ. N 3682-Ա
Հ Ր Ա Մ Ա Ն
«ԱԼՖԱ-ՖԱՐՄ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ «ՅՈՒՆԻԷՆԶԻՄ ՍՄՊՍ» ԴԵՂԻ ԳՈՎԱԶԴԻ ԹՈՒՅԼՏՎՈՒԹՅՈՒՆ ՍՏԱՆԱԼՈՒ ՀԱՄԱՐ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅՈՒՆ ՆԵՐԿԱՅԱՑՎԱԾ ՀԱՅՏԸ ՄԵՐԺԵԼՈՒ ՄԱՍԻՆ
Հիմք ընդունելով վարչապետի 2018 թվականի հունիսի 11-ի N 728-Լ որոշման հավելվածի 18-րդ կետի 20-րդ ենթակետը, հաշվի առնելով, որ «ԱԼՖԱ-ՖԱՐՄ» փակ բաժնետիրական ընկերության կողմից հայտին կից ներկայացված գովազդի տեքստը և հոլովակը չեն համապատասխանում «Գովազդի մասին» Հայաստանի Հանրապետության օրենքի և Հայաստանի Հանրապետության կառավարության 2015 թվականի նոյեմբերի 26-ի «Դեղերի, բուժտեխնիկայի և բուժական մեթոդների գովազդի թույլտվության տրամադրման կարգը և այդ գովազդին ներկայացվող պահանջները հաստատելու և Հայաստանի Հանրապետության կառավարության 2006 թվականի նոյեմբերի 2-ի N 1608-Ն որոշումն ուժը կորցրած ճանաչելու մասին» N 1422-Ն որոշման պահանջներին, մասնավորապես` գովազդի հայտը ենթարկված է փոփոխության, գովազդվող տեքստում դեղի գրառումը «Յունիենզիմ» է, սակայն ՀՀ-ում գրանցված է «Յունիէնզիմ սՄՊՍ» անվամբ, գովազդվող տեքստից անհրաժեշտ է հանել «վերականգնում է լավ տրամադրությունը» արտահայտությունը, տեքստում բացակայում են «դեղն ունի հակացուցումներ, այն օգտագործելուց առաջ, նպատակահարմար է խորհրդակցել ձեր բուժող բժշկի հետ» բառակապակցությունները, ինչպես նաև հայտին կից բացակայում են էլեկտրոնային կրիչը 2 օրինակից և ղեկավարվելով նույն որոշման 12-րդ կետի 1-ին ենթակետի պահանջով`
ՀՐԱՄԱՅՈՒՄ ԵՄ`
1. «ԱԼՖԱ-ՖԱՐՄ» փակ բաժնետիրական ընկերության կողմից 2019 թվականի նոյեմբերի 29-ին ներկայացված դեղի գովազդի թույլտվություն ստանալու մասին հայտը մերժել:
2. Առողջապահության նախարարության քարտուղարության պետ Զարուհի Դարբինյանին` եռօրյա ժամկետում ապահովել սույն հրամանի առաքումը հայտատուին:
3. Սույն հրամանի կատարման հսկողությունը հանձնարարել Առողջապահության նախարարության գլխավոր քարտուղարի պաշտոնակատար Արտյոմ Սմբատյանին:
4. Սույն հրամանն ուժի մեջ է մտնում «ԱԼՖԱ-ՖԱՐՄ» փակ բաժնետիրական ընկերությանն իրազեկելուն հաջորդող օրվանից:
5. Սույն հրամանը «Վարչարարության հիմունքների և վարչական վարույթի մասին» ՀՀ օրենքի 70-րդ և 71-րդ հոդվածներով սահմանված կարգով կարող է բողոքարկվել Առողջապահության նախարարություն, ինչպես նաև ՀՀ վարչական դատարան՝ վարչական ակտն ուժի մեջ մտնելու օրվանից 2 ամսվա ընթացքում:
Ա. Թորոսյան
Պաշտոնական հրապարակման օրը՝ 28 դեկտեմբերի 2020 թվական: