ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ «ԳՈՒՅՔԻ ՆԿԱՏՄԱՄԲ ՍԵՓԱԿԱՆՈՒԹՅԱՆ ԻՐԱՎՈՒՆՔԻ ՊԵՏԱԿԱՆ ԳՐԱՆՑՈՒՄԸ ԴԱԴԱՐԵՑՆԵԼՈՒ ՀԱՄԱՐ ՀԱՄԱՁԱՅՆՈՒԹՅՈՒՆ ՏԱԼՈՒ ԵՎ ԳՈՒՅՔԸ ՊԵՏԱԿԱՆ ԳՈՒՅՔԻ ԿԱԶՄԻՑ ՀԱՆԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 մարտի 2021 թվականի N 403-Ա

«ԳՈՒՅՔԻ ՆԿԱՏՄԱՄԲ ՍԵՓԱԿԱՆՈՒԹՅԱՆ ԻՐԱՎՈՒՆՔԻ ՊԵՏԱԿԱՆ ԳՐԱՆՑՈՒՄԸ ԴԱԴԱՐԵՑՆԵԼՈՒ ՀԱՄԱՐ ՀԱՄԱՁԱՅՆՈՒԹՅՈՒՆ ՏԱԼՈՒ ԵՎ ԳՈՒՅՔԸ ՊԵՏԱԿԱՆ ԳՈՒՅՔԻ ԿԱԶՄԻՑ ՀԱՆԵԼՈՒ ՄԱՍԻՆ

Ղեկավարվելով «Գույքի նկատմամբ իրավունքների պետական գրանցման մասին» Հայաստանի Հանրապետության օրենքի 34-րդ հոդվածի 3-րդ մասի և 35-րդ հոդվածի 2.1-ին մասի 2-րդ կետի պահանջներով՝ Հայաստանի Հանրապետության կառավարությունը որոշում է.

1. Տալ համաձայնություն Հայաստանի Հանրապետության անվամբ Հայաստանի Հանրապետության Գեղարքունիքի մարզի Գավառ քաղաքի վարչական շենք հասցեում գտնվող գույքի (N 27082019-05-0034 վկայական, այսուհետ՝ գույք) նկատմամբ 2006 թվականի հոկտեմբերի 30-ին իրականացված սեփականության իրավունքի պետական գրանցումը դադարեցնելու և գրանցված սեփականության իրավունքի պետական գրանցումն ուժը կորցրած ճանաչելու համար։

2. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին՝

1) սույն որոշումն ուժի մեջ մտնելուց հետո 10-օրյա ժամկետում ապահովել գույքի նկատմամբ Հայաստանի Հանրապետության անվամբ գրանցված սեփականության իրավունքի դադարման պետական գրանցման դիմումի ներկայացումը.

2) սույն կետի 1-ին ենթակետով նախատեսված սեփականության իրավունքի պետական գրանցումը դադարեցնելուց հետո գույքը հանել պետական գույքի կազմից։

Հայաստանի Հանրապետության

վարչապետ Ն. Փաշինյան

Երևան

25.03.2021

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ