ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՋԱԿՑՈՒԹՅՈՒՆ ՏՐԱՄԱԴՐԵԼՈՒ ՎԵՐԱԲԵՐՅԱԼ ՀԱՄԱՁԱՅԱՆԱԳՐԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

Հոդված 1

Սույն համաձայնագրով Արցախի Հանրապետության կառավարությունը ստանձնում է պարտավորություն՝ հաստատելու միջոցառումների ծրագիր, որի նպատակն է աջակցել Ադրբեջանի կողմից 2020 թվականի սեպտեմբերի 27-ին Արցախի Հանրապետության դեմ սանձազերծված պատերազմի հետևանքով գույքային (այդ թվում՝ գույքային իրավունքի) վնաս կրած ֆիզիկական և իրավաբանական անձանց:

Սույն հոդվածի 1-ին մասում նշված գույքային (այդ թվում՝ գույքային իրավունքի) վնասները չեն ներառում բնակելի անշարժ գույքը, ինչպես նաև բնակելի անշարժ գույք ձեռք բերելու նպատակով ստանձնած հիպոթեքային վարկերի պարտավորությունները և բնակելի անշարժ գույքի նկատմամբ այլ գույքային իրավունքները: