ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
09 հունիսի 2021 թ. N 2229-Ա
Հ Ր Ա Մ Ա Ն
ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2021 ԹՎԱԿԱՆԻ ՄԱՅԻՍԻ 5-Ի ԹԻՎ 1642-Ա ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածները, «ՔՐԵԱԿԱՏԱՐՈՂԱԿԱՆ ԲԺՇԿՈՒԹՅԱՆ ԿԵՆՏՐՈՆ» պետական ոչ առևտրային կազմակերպության տնօրենի կողմից 2021 թվականին հունիսի 4-ին Առողջապահության նախարարություն ներկայացված դիմումները`
Հրամայում եմ`
1. Առողջապահության նախարարի 2021 թվականի մայիսի 5-ի ««ՔՐԵԱԿԱՏԱՐՈՂԱԿԱՆ ԲԺՇԿՈՒԹՅԱՆ ԿԵՆՏՐՈՆ» պետական ոչ առևտրային կազմակերպության Առողջապահության նախարարության կողմից 2019 թվականի օգոստոսի 13-ին տրված N Կ-ԲՕ-002583 լիցենզիայի ընտանեկան բժշկություն, հոգեբուժական և N Կ-ԲՕ-002584 լիցենզիայի վարակիչ հիվանդությունների, ստոմատոլոգիական ընդհանուր պրակտիկա, լաբորատոր ախտորոշիչ` կլինիկական, 2019 թվականի օգոստոսի 23-ին տրված N Կ-ԲՕ-002592 լիցենզիայի ընտանեկան բժշկություն, N Կ-ԲՕ-002593 լիցենզիայի ընտանեկան բժշկություն, հոգեբուժական, N Կ-ԲՕ-002600 լիցենզիայի ընտանեկան բժշկություն, հոգեբուժական, ստոմատոլոգիական ընդհանուր պրակտիկա տեսակների գործողությունները կասեցնելու մասին» թիվ 1642-Ա հրամանի 1-ին կետից հանել «հոգեբուժական», «ստոմատոլոգիական ընդհանուր պրակտիկա», «վարակիչ հիվանդություններ» և «լաբորատոր ախտորոշիչ` կլինիկական» բառերը:
2. Առողջապահության նախարարության լիցենզավորման գործակալության պետ Վահե Ալեքսանյանին՝ եռօրյա ժամկետում ապահովել սույն հրամանի առաքումը գերատեսչական նորմատիվ իրավական ակտերը հրապարակող մարմին և Պետական եկամուտների կոմիտե:
3. Առողջապահության նախարարության քարտուղարության պետ Զարուհի Դարբինյանին` եռօրյա ժամկետում ապահովել սույն հրամանի առաքումը «ՔՐԵԱԿԱՏԱՐՈՂԱԿԱՆ ԲԺՇԿՈՒԹՅԱՆ ԿԵՆՏՐՈՆ» պետական ոչ առևտրային կազմակերպությանը:
ՊԱՇՏՈՆԱԿԱՏԱՐ՝ Ա. ԱՎԱՆԵՍՅԱՆ
Պաշտոնական հրապարակման օրը՝ 17 հունիսի 2021 թվական: