ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ
Ո Ր Ո Շ ՈՒ Մ
N 771-Ա
«ՀԱՅ ՎԻՐԱՎՈՐ ՀԵՐՈՍՆԵՐԻ ԱՋԱԿՑՄԱՆ» ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ «ԱՋԱԿՑՈՒԹՅՈՒՆ ՀԱՆՐԱՅԻՆ ՊԱՇՏՊԱՆՈՒԹՅԱՆ ՈԼՈՐՏԻՆ» ԾՐԱԳՐԻ ՄԱՍԻՆ
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝
1. Բարեգործական որակել «Հայ վիրավոր հերոսների աջակցման» հասարակական կազմակերպության կողմից իրականացվող՝ 2 մլրդ 200 մլն դրամ ընդհանուր արժողությամբ «Աջակցություն հանրային պաշտպանության ոլորտին» ծրագիրը՝ համաձայն հավելվածի:
2. «Հայ վիրավոր հերոսների աջակցման» հասարակական կազմակերպությանը՝ մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարած աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:
Հայաստանի Հանրապետության
փոխվարչապետ Ս. ՊԱՊԻԿՅԱՆ
Երևան
23.09.2021
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ
Հավելված
ՀՀ փոխվարչապետի
N 771-Ա որոշման
«ԱՋԱԿՑՈՒԹՅՈՒՆ ՀԱՆՐԱՅԻՆ ՊԱՇՊԱՆՈՒԹՅԱՆ ՈԼՈՐՏԻՆ»
ԾՐԱԳԻՐ
1. Ծրագրի նպատակը Ձեռք բերել և/կամ ներմուծել սարքեր, սարքավորումներ, միջոցներ, դետալներ, կառուցվածքներ, մեխանիզմներ, ապարատներ, նյութեր, գործիքներ, պիտույքներ, պարագաներ և/կամ դրանց հումքը, տարրերը, կոմպոնենտները, բաղկացուցիչ մասերը, որոնք ՀՀ սահմանների անձեռնմխելիությունն ապահովող և աջակցող անձանց համար կծառայեն որպես անվտանգության և պաշտպանության երաշխիք։
2. Ծրագրի բարեգործական
որակման նպատակը ՀՀ օրենսդրությամբ սահմանված կարգով օգտվել հարկերի, տուրքեր և այլ պարտադիր վճարների արտոնություններից։
3. Բարեգործը «Հայ վիրավոր հերոսների աջակցման» հասարակական կազմակերպություն (ՀՀ, քաղ. Երևան, Իսակովի պողոտա, 11 Ա շենք, ՀՎՀՀ՝ 02283677)
4. Ծրագիրը կատարողը «Հայ վիրավոր հերոսների աջակցման» հասարակական կազմակերպություն (ՀՀ, քաղ. Երևան, Իսակովի պողոտա, 11 Ա շենք, ՀՎՀՀ՝ 02283677)
5. Ծրագրի իրականացման
վայրը և բնագավառը Հայաստանի Հանրապետություն՝ հանրային պաշտպանություն
6. Ծրագրի բյուջեն 2 մլրդ 200 մլն դրամ
7. Բարեգործություն
ստացողը Հայաստանի Հանրապետությունը և համայնքները՝ համաձայն «Բարեգործության մասին» ՀՀ օրենքի 7-րդ հոդվածի
8. Ծրագրի իրականացման
տևողությունը Նախատեսվում է իրականացնել 2021 թվականի սեպտեմբերի 20-ից 2023 թվականի օգոստոսի 14-ը:
9. Միջոցառումների նկարագրությունը և ժամկետները, անհրաժեշտ
ֆինանսական միջոցների ծավալը 1. Անհրաժեշտ սարքերի, սարքավորումների, միջոցների, դետալների, կառուցվածքների, մեխանիզմների, ապարատների, նյութերի, գործիքների, պիտույքների, պարագաների և/կամ դրանց հումքի, տարրերի, կոմպոնենտների, բաղկացուցիչ մասերի ձեռքբերում և/կամ ներմուծում՝ շուրջ 2 մլրդ
դրամի, նախատեսվում է իրականացնել 2021 սեպտեմբերի 20-ից 2023 թվականի օգոստոսի 14-ը։
2. Անհրաժեշտ միջոցների, պարագաների պատրաստում՝ շուրջ 150 մլն դրամ, նախատեսվում է իրականացնել 2021 թվականի սեպտեմբերի 30-ից 2023 թվականի օգոստոսի 14-ը։
3. Համապատասխան տարածքի վարձակալում՝ շուրջ 40 մլն, նախատեսվում է իրականացնել 2021 թվականի սեպտեմբերի 20-ից 2023 թվականի օգոստոսի 14-ը։
4. Կազմակերպական ծախսեր` կոմունալ վճարներ և արտադրական այլ ծախսեր՝ շուրջ 10 մլն դրամ,
նախատեսվում է իրականացնել 2021 թվականի սեպտեմբերի 20-ից 2023 թվականի օգոստոսի 14-ը։
10. Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը 1. Անհրաժեշտ սարքերի, սարքավորումների, միջոցների, դետալների, կառուցվածքների, մեխանիզմների, ապարատների, նյութերի, գործիքների, պիտույքների, պարագաների և/կամ դրանց հումքի, տարրերի, կոմպոնենտների, բաղկացուցիչ մասերի ձեռքբերում և/կամ ներմուծում՝ շուրջ 2 մլրդ դրամ.
2. Անհրաժեշտ սարքերի, սարքավորումների, միջոցների, դետալների, կառուցվածքների, մեխանիզմների, ապարատների, նյութերի, գործիքների, պիտույքների, պարագաների և/կամ դրանց հումքի, դրանց տարրերի, կոմպոնենտների, բաղկացուցիչ մասերի պատրաստում՝ շուրջ 150 մլն դրամ.
3. Համապատասխան տարածքի վարձակալություն՝ շուրջ 40 մլն դրամ.
4. Կոմունալ վճարներ և գրասենյակային ծախսեր՝ շուրջ 10 մլն դրամ.
11. Ծրագրի իրականացման հետ կապված կազմակերպական ծախսերը կոմունալ ծախսեր (գազ, էլեկտրաէներգիա, ջուր)` 7 մլն դրամ (ամսական շուրջ 305 հազար դրամ), գրասենյակային ծախսեր` տարեկան 3 մլն դրամ։
12. Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ Համագործակցություն է նախատեսվում իրականացնել ՀՀ պաշտպանության նախարարության և ՀՀ համայնքների հետ։
13. Ծրագրի արդյունավետության նկատմամբ վերահսկողության մեխանիզմների նկարագրությունը ՀՀ կառավարության 2003 թվականի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով հաշվետվությունների ներկայացում լիազորված մարմնին։
Հայաստանի Հանրապետության
փոխվարչապետ Ս. ՊԱՊԻԿՅԱՆ
23.09.2021
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ