ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
15 ապրիլի 2022 թվականի N 499-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ՀՈԿՏԵՄԲԵՐԻ 23-Ի N 1191-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
«Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներին համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2014 թվականի հոկտեմբերի 23-ի «Հայաստանի Հանրապետության բարձրագույն մասնագիտական կրթության մասնագիտությունների և որակավորումների ցանկը հաստատելու մասին» N 1191-Ն որոշման՝
1) նախաբանում «Կրթության մասին» Հայաստանի Հանրապետության օրենքի 36-րդ հոդվածի 3-րդ» բառերը փոխարինել «Կրթության մասին» օրենքի 36-րդ հոդվածի 1-ին մասի 3-րդ» բառերով.
2) հավելվածի՝
ա. «091 ԱՌՈՂՋԱՊԱՀՈՒԹՅՈՒՆ» բաժինը լրացնել հետևյալ բովանդակությամբ նոր պարբերությամբ՝
« 0913 Քույրական գործ
091301.00.6 Քույրական գործ Քույրական գործի բակալավր
»,
բ. անգլերեն մասի «091 HEALTH CARE» բաժինը լրացնել հետևյալ բովանդակությամբ նոր պարբերությամբ՝
« 0913 Nursing
091301.00.6 Nursing Bachelor of Science in Nursing/BSN
»,
գ. ռուսերեն մասի «091 ЗДРАВООХРАНЕНИЕ» բաժինը լրացնել հետևյալ բովանդակությամբ նոր պարբերությամբ՝
« 0913 Сестринское дело
091301.00.6 Сестринское дело Бакалавр сестринского дела
»:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Ն. ՓԱՇԻՆՅԱՆ
Երևան
15.04.2022
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ
Պաշտոնական հրապարակման օրը՝ 15 ապրիլի 2022 թվական: