ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
21 օգոստոսի 2018 թվականի թիվ 137 քաղ. Մոսկվա
ՀԱՏՈՒԿ ՆՇԱՆԱԿՈՒԹՅԱՆ ՍՆՆԴԱՄԹԵՐՔԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ
Եվրասիական տնտեսական միության մաքսային օրենսգրքի 22-րդ հոդվածի 1-ին կետի երկրորդ պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.
1. Փոշենման կամ խտացրած հեղուկի ձևով հատուկ նշանակության սննդամթերքը՝ բաղկացած ամինաթթուների կամ բուսական լուծամզվածքների խառնուրդից՝ վիտամինների, միկրո- և (կամ) մակրոէլեմենտների ավելացմամբ, որը պարունակում է օժանդակ նյութեր, նախատեսված է մարդու սննդին հավասարակշռված (բալանսավորված) հավելման համար, օգտագործումից առաջ պահանջում է լրացուցիչ պատրաստում (ջրով նոսրացում)՝ Արտաքին տնտեսական գործունեության ապրանքային անվանացանկի մեկնաբանման 1-ին հիմնական կանոնին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 2106 ապրանքային դիրքում։
2. Հեղուկի տեսքով հատուկ նշանակության սննդամթերքը՝ բաղկացած սպիտակուցների, բուսական յուղերի, ածխաջրերի խառնուրդից՝ վիտամինների, միկրո- և (կամ) մակրոէլեմենտների ավելացմամբ, որը պարունակում է օժանդակ նյութեր, նախատեսված է մարդու սննդի մեջ հավասարակշռված (բալանսավորված) հավելման համար, օգտագործվում է անմիջականորեն` որպես ըմպելիք, Արտաքին տնտեսական գործունեության ապրանքային անվանացանկի մեկնաբանման 1-ին հիմնական կանոնին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 2202 ապրանքային դիրքում։
3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
Եվրասիական տնտեսական հանձնաժողովի կոլեգիայի նախագահ՝ Տ. Սարգսյան
Պաշտոնական հրապարակման օրը՝ 22 հունիսի 2022 թվական: