ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
16 հոկտեմբերի 2018 թվականի թիվ 165 քաղ. Մոսկվա
ՌԵՑԻԿԼԵՐԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ
Եվրասիական տնտեսական միության Մաքսային օրենսգրքի 22-րդ հոդվածի 1-ն կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.
1. Ռեցիկլերը, որը կապող բաղադրամասերի և ջրի փոշեցրման համար կտրիչներով ֆրեզերային-խառնիչ թմբկագլանով և բաշխիչ թեքահարթակներով հագեցված ինքնագնաց ճանապարհաշինական մեքենա է՝ նախատեսված ճանապարհային պատվածքը կտրելու (ֆրեզման) (օրինակ՝ ասֆալտի, ասֆալտաբետոնային պատվածքի, հողաշերտի և այլն), այն մանրացնելու, կապող բաղադրամասերի և ջրի հետ խառնելու, ստացված խառնուրդը նոր ճանապարհային հիմնատակի տեսքով այնուհետև փռելու և հարթեցնելու համար, Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8479 10 000 0 ենթադիրքում:
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
Եվրասիական տնտեսական հանձնաժողովի կոլեգիայի նախագահ` Տ. Սարգսյան
Պաշտոնական հրապարակման օրը՝ 22 հունիսի 2022 թվական: