ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
2 հուլիսի 2019 թվականի թիվ 108 քաղ. Մոսկվա
ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ 2017 ԹՎԱԿԱՆԻ ԴԵԿՏԵՄԲԵՐԻ 13-Ի ԹԻՎ 171 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Եվրասիական տնտեսական միության մաքսային օրենսգրքի 120-րդ հոդվածի 3-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.
1. Եվրասիական տնտեսական հանձնաժողովի կոլեգիայի 2017 թվականի դեկտեմբերի 13-ի «Մինչև ապրանքների հայտարարագիր ներկայացնելն ապրանքների բացթողման վերաբերյալ դիմումի մասին» թիվ 171 որոշման մեջ կատարել փոփոխություններ՝ համաձայն հավելվածի:
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
Եվրասիական տնտեսական հանձնաժողովի կոլեգիայի նախագահ` Տ. Սարգսյան
ՀԱՎԵԼՎԱԾ
Եվրասիական տնտեսական
հանձնաժողովի կոլեգիայի
2019 թվականի հուլիսի 2-ի
թիվ 108 որոշման
ՓՈՓՈԽՈՒԹՅՈՒՆՆԵՐ
Եվրասիական տնտեսական հանձնաժողովի կոլեգիայի 2017 թվականի դեկտեմբերի 13-ի թիվ 171 որոշման մեջ կատարվող
1. Նշված որոշմամբ հաստատված՝ մինչև ապրանքների հայտարարագիր ներկայացնելն ապրանքների բացթողման մասին դիմումի ձևի «Դիմումատուն» 2-րդ վանդակի «b» բաժնում «մինչև» բառը փոխարինել «ոչ ուշ» բառերով:
2. Նշված որոշմամբ հաստատված՝ մինչև ապրանքերի հայտարարագիր ներկայացնելն ապրանքների բացթողման մասին դիմումը լրացնելու կարգում՝
ա) 15-րդ կետի 1-ին և 2-րդ ենթակետերը շարադրել հետևյալ խմբագրությամբ.
«1) անձը հաստատող փաստաթղթերի տեսակների դասակարգչին համապատասխան փաստաթղթի տեսակի ծածկագիրը.
2) այն երկրի ծածկագիրը, որի լիազորված մարմնի կողմից տրվել է անձը հաստատող փաստաթուղթը՝ աշխարհի երկրների դասակարգչին համապատասխան.».
բ) 16-րդ կետի վեցերորդ պարբերությունը «ըստ» և «վայրի» բառերի միջև լրացնել «գտնվելու» բառով.
գ) 17-րդ կետի 5-րդ ենթակետի յոթերորդ պարբերությունը հանել.
դ) 20-րդ կետի չորրորդ պարբերությունում «մինչև» բառը փոխարինել «ոչ ուշ» բառերով.
ե) 29-րդ կետի երկրորդ-չորրորդ պարբերություններում «մաքսային հայտարարագրման ժամանակ օգտագործվող» բառերը հանել.
զ) 35-րդ կետում՝
չորրորդ պարբերությունում «մաքսային հայտարարագրման ժամանակ օգտագործվող» բառերը հանել.
վեցերորդ պարբերությունը շարադրել հետևյալ խմբագրությամբ՝
«այն պայմանագրի ծածկագիրը, որը կնքվել է մաքսային ներկայացուցչի և դիմումատուի միջև՝ փաստաթղթերի տեսակների և տեղեկությունների դասակարգչին համապատասխան».
տասնվեցերորդ պարբերությունը շարադրել հետևյալ խմբագրությամբ՝
«դիմումատուի կամ մաքսային ներկայացուցչի ղեկավարի իրավասությունները հավաստող փաստաթղթի ծածկագիրը, եթե դիմումը լրացված է դիմումատուի կամ մաքսային ներկայացուցչի ղեկավարի կողմից, կամ դիմումատուի կամ մաքսային ներկայացուցչի ղեկավարի անունից գործողություններ կատարելու լիազորագրի ծածկագիրը, եթե դիմումը լրացվում է դիմումատուի կամ մաքսային ներկայացուցչի աշխատակցի կողմից՝ փաստաթղթերի և տեղեկությունների տեսակների դասակարգչին համապատասխան».
է) 36-րդ կետի հինգերորդ պարբերությունում «առևտրային» բառը փոխարինել «ֆիրմային» բառով.
ը) 37-րդ կետի չորրորդ պարբերությունում «մաքսային հայտարարագրման ժամանակ օգտագործվող» բառերը հանել.
թ) 38-րդ կետում՝
մինչև ապրանքների հայտարարագիր ներկայացնելն ապրանքների բացթողման մասին դիմումի գրանցման համարի սխեմայի երրորդ պարբերությունում 3-րդ տարրում «З» տառը հանել.
տասներորդ պարբերությունում «ԴՄ» [ЗВ] տառային սիմվոլների» բառերը փոխարինել «В» տառային սիմվոլի» բառերով:
Պաշտոնական հրապարակման օրը՝ 22 հունիսի 2022 թվական: