ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
3 նոյեմբերի 2020 թվականի թիվ 140 քաղ. Մոսկվա
ԴԻՎԻՆ (DIVIN) ՍՊԻՐՏԱՅԻՆ ԽՄԻՉՔԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ
Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.
1. Մոլդովայի Հանրապետությունում արտադրված, առնվազն 40 տոկոս ծավալային մասով էթիլային սպիրտ պարունակող, շաքարի թանձրահյութ, փափկեցված ջուր և շաքարի կոլերի ավելացմամբ կաղնու տակառներում պահված թորվածքների (խաղողի հումքից արտադրված գինենյութի կրկնակի թորմամբ ստացված) կուպաժավորմամբ պատրաստված, 2 լ կամ պակաս տարողությամբ անոթներով Դիվին (Divin) սպիրտային խմիչքը, Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 2208 20 290 0 ստորաենթադիրքում։
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
Եվրասիական տնտեսական հանձնաժողովի կոլեգիայի նախագահի ժ/պ՝ Վ. Նազարենկո
Պաշտոնական հրապարակման օրը՝ 22 հունիսի 2022 թվական: