ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԳՈՒՅՔ ՓՈԽԱՆՑԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 օգոստոսի 2022 թվականի N 1323-Ա

ԳՈՒՅՔ ՓՈԽԱՆՑԵԼՈՒ ՄԱՍԻՆ

Ղեկավարվելով «Մաքսային կարգավորման մասին» Հայաստանի Հանրապետության օրենքի 144-րդ հոդվածի 2-րդ և 145-րդ հոդվածի 1-ին ու «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ մասերով՝ Հայաստանի Հանրապետության կառավարությունը որոշում է.

1. Հայաստանի Հանրապետության պետական եկամուտների կոմիտեի նախագահին` Ավետիս Համբարձումի Վարոսյանի կողմից Հայաստանի Հանրապետություն ներմուծված և «Հրաժարում` հօգուտ պետության» մաքսային ընթացակարգով, թիվ 05100011/090222/0004423 ապրանքների հայտարարագրով ձևակերպված, ընդհանուր 6.6 կգ բրուտտո քաշով, 82,987 դրամ մաքսային արժեքով, ոչ էլեկտրական լուսավորող սարքերը CYALUME (200 հատ) (այսուհետ` գույք)` որպես պետական սեփականություն փոխանցել Հայաստանի Հանրապետության պաշտպանության նախարարությանը՝ Հայաստանի Հանրապետության զինված ուժերի կարիքների համար օգտագործելու նպատակով:

2. Հայաստանի Հանրապետության պաշտպանության նախարարին՝ սույն որոշումն ուժի մեջ մտնելուց հետո մեկամսյա ժամկետում «Մաքսային կարգավորման մասին» Հայաստանի Հանրապետության օրենքի պահանջների համաձայն ապահովել Հայաստանի Հանրապետության պետական եկամուտների կոմիտեի հետ համատեղ սույն որոշման 1-ին կետում նշված գույքի հանձնման-ընդունման աշխատանքների կատարումը:

Հայաստանի Հանրապետության

վարչապետ Ն. ՓաշինՅԱՆ

Երևան

24.08.2022

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ