ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
5 մայիսի 2015 թվականի թիվ 42 քաղ. Մոսկվա
Լուսադիոդային լամպի՝ ըստ Եվրասիական տնտեսական միության Արտաքին տնտեսական գործունեության միասնական ապրանքային անվանացանկի, դասակարգման մասին
Մաքսային միության մաքսային օրենսգրքի 52-րդ հոդվածի 7-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.
1. Ամբողջական կորպուսի մեջ տեղաբաշխված մի քանի լուսադիոդներից և տպատախտակից բաղկացած, փոփոխական հոսանքն ուղղելու և մինչև լուսադիոդներով օգտագործման համար պիտանի մակարդակը լարումը կերպափոխելու համար նախատեսված, ջերմահեռացմամբ և երկցցիկ կամ պարուրակային լամպակոթով լուսադիոդային լամպը դասակարգվում է Եվրասիական տնտեսական միության Արտաքին տնտեսական գործունեության միասնական ապրանքային անվանացանկի 8539 50 000 3 ստորաենթադիրքում՝ Արտաքին տնտեսական գործունեության ապրանքային անվանացանկի 1-ին և 6-րդ մեկնաբանության հիմնական կանոններին համապատասխան (պատկերների օրինակները բերված են հավելվածում):
(1-ին կետը փոփ. ԵՏՀԿ 21.11.16 թիվ 156, ԵՏՀԿ 21.04.20 թիվ 51)
1.1. Լուսադիոդային լամպը, որը կազմված է միասնական կորպուսում զետեղված մի քանի լուսադիոդներից և տպահարթակից, որը նախատեսված է փոփոխական հոսանքի ուղղման համար և մինչև լուսադիոդների կողմից օգտագործման համար պիտանի մակարդակը՝ լարման փոխակերպման համար, սարքավորված է ջերմահեռացուցիչով և երկու ոտիկ ունեցող լամպակոթով, Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան՝ դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8539 50 000 8 ստորաենթադիրքում (լուսադիոդային լամպի պատկերների օրինակները բերված են հավելվածում)։
(1.1 -ին կետը լրաց. ԵՏՀԿ 21.09.21 թիվ 127)
2. Սույն Որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
Եվրասիական տնտեսական հանձնաժողովի կոլեգիայի նախագահ՝ Վ. Խրիստենկո
Հավելված