ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՎԱՐՉՈՒԹՅՈՒՆ
Ո Ր Ո Շ ՈՒ Մ
15 փետրվարի 1995 թվականի թիվ 23
Հայաստանի Հանրապետության կենտրոնական բանկի վարչության 1994 թվականի հուլիսի 15-ի թիվ 52 որոշմամբ հաստատված «Հայաստանի Հանրապետության տարածքում արտարժույթի փոխանակման կետերի ստեղծման ԵՎ գործունեության» կարգում փոփոխություններ կատարելու մասին
Հայաստանի Հանրապետության կենտրոնական բանկի վարչությունը որոշում է.
1. Կարգի 5-րդ կետի «փոխանակման կետ բացելու թույլտվության» բառերը փոխարինել «փոխանակման կետի արտոնագիրը» բառերով:
2. 6-րդ կետը շարադրել հետևյալ խմբագրությամբ.
«6. Յուրաքանչյուր փոխանակման կետի արտոնագրման համար Հայաստանի Հանրապետության կենտրոնական բանկը համապատասխան բանկի թղթակցային հաշվից իր եկամուտների հաշվին է գանձում վճար` Հայաստանի Հանրապետությունում սահմանված նվազագույն աշխատավարձի 50-ապատիկի չափով»: