ՀՀ ԿԵՆՏՐՈՆԱԿԱՆ ԲԱՆԿԻ ՎԱՐՉՈՒԹՅԱՆ ՈՐՈՇՈՒՄԸ ՀՀ ՏՆՏԵՍՈՒԹՅԱՆ ՄԵՋ ԴՐԱՄԱՐԿՂԱՅԻՆ ԳՈՐԾԱՌՆՈՒԹՅՈՒՆՆԵՐ ԻՐԱԿԱՆԱՑՆԵԼՈՒ ԿԱՐԳԻ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՎԱՐՉՈՒԹՅԱՆ

Ո Ր Ո Շ ՈՒ Մ

20 ապրիլի 1995 թվականի թիվ 72

Հայաստանի Հանրապետության տնտեսության մեջ դրամարկղային գործառնություններ իրականացնելու կարգի մասին

Հաշվի առնելով ձեռնարկությունների և կազմակերպությունների հաշվապահական հաշվառման, հարկային կարգապահության և վիճակագրական հիմնախնդիրների լուծման կապակցությամբ հանրապետության տնտեսության մեջ դրամարկղային գործառնությունների իրականացման կանոնակարգման անհրաժեշտություն` Հայաստանի Հանրապետության կենտրոնական բանկի վարչությունը որոշում է.

1. Սահմանված կարգով Հայաստանի Հանրապետության Գերագույն խորհուրդ ներկայացնել «Հայաստանի Հանրապետության կենտրոնական բանկի մասին» Հայաստանի Հանրապետության օրենքի մեջ փոփոխություններ կատարելու հետևյալ առաջարկությունը.

«Հայաստանի Հանրապետության կենտրոնական բանկի մասին» Հայաստանի Հանրապետության օրենքի 17 հոդվածի առաջին պարբերությունում «որոշում է հանրապետության տնտեսության մեջ դրամարկղային գործառնություններ կատարելու կարգը» բառերը փոխարինել «սահմանում է Հայաստանի Հանրապետության տարածքում գործող բանկերից կանխիկ դրամ ստանալու և կանխիկ դրամը բանկերին հանձնելու կարգը» բառերով:

2. Հայաստանի Հանրապետության կենտրոնական բանկի դրամաշրջանառության կարգավորման, գործառնական, հաշվապահական հաշվառման և հաշվետվությունների վարչություններին` մեկամսյա ժամկետում մշակել և Հայաստանի Հանրապետության կենտրոնական բանկի վարչության հաստատմանը ներկայացնել «Հայաստանի Հանրապետության տարածքում գործող բանկերից կանխիկ դրամ ստանալու և կանխիկ դրամը բանկերին հանձնելու» կարգը:

քաղ. Երևան

թիվ 72