ՉՈՐՐՈՐԴ ԲԱԺԱՆՄՈՒՆՔ
ՈՐՈՇՈՒՄ
գանգատ թիվ 13184/21
Աշոտ ՂԱԶԱՐՅԱՆՆ ընդդեմ Հայաստանի
(տե՛ս կից աղյուսակը)
Մարդու իրավունքների եվրոպական դատարանը (Չորրորդ բաժանմունք), 2023 թվականի հունվարի 19-ին հանդես գալով Կոմիտեի հետևյալ կազմով՝
Անյա Սիբերտ Ֆուա [Anja Seibert-Fohr]՝ Նախագահ,
Արմեն Հարությունյան [Armen Harutyunyan],
Անա Մարիա Գեռա Մարտինս [Ana Maria Guerra Martins]՝դատավորներ,
և Վիկտորիա Մարադուդինա [Viktoriya Maradudina]՝ Բաժանմունքի քարտուղարի տեղակալի պաշտոնակատար,
հաշվի առնելով 2021 թվականի մարտի 2-ին ներկայացված վերոնշյալ գանգատը,
հաշվի առնելով գործը բարեկամական ճանապարհով կարգավորելու վերաբերյալ պաշտոնական հայտարարությունները,
անցկացնելով խորհրդակցություն, որոշեց հետևյալը.
ՓԱՍՏԵՐԸ ԵՎ ԸՆԹԱՑԱԿԱՐԳԸ
Դիմումատուի տվյալները ներկայացված են կից աղյուսակում:
Դիմումատուին ներկայացրել է Երևանում գործող իրավաբան պրն Ա. Ապրեսյանը։
Դիմումատուի՝ քաղաքացիական գործով վարույթի չափազանց երկար տևսողության և իր ընտանեկան կյանքը հարգելու իրավունքի ենթադրյալ խախտման առնչությամբ՝ համապատասխանաբար Կոնվենցիայի 6-րդ հոդվածի 1-ին կետի և 8-րդ հոդվածի համաձայն ներկայացված բողոքներն ուղարկվել են Հայաստանի Հանրապետության կառավարություն (Կառավարություն):
Դատարանն ստացել է կողմերի կողմից ստորագրված՝ գործը բարեկամական ճանապարհով կարգավորելու վերաբերյալ հայտարարությունները, ըստ որոնց դիմումատուն համաձայնել է հրաժարվել Հայաստանի դեմ հետագա պահանջներ ներկայացնելուց սույն գանգատի համար հիմք ծառայող փաստերի առնչությամբ՝ Կառավարության կողմից կից աղյուսակում ներկայացված գումարը վերջինիս կողմից իրեն վճարելու պարտավորություն ստանձնելու պայմանով: Այդ գումարը կփոխարկվի պատասխանող պետության արժույթով՝ վճարման օրվա դրությամբ գործող փոխարժեքով, և ենթակա է վճարման Դատարանի կողմից կայացված որոշման մասին ծանուցելուց հետո երեք ամսվա ընթացքում։ Այդ գումարը վերոնշյալ եռամսյա ժամկետում չվճարելու դեպքում Կառավարությունը պարտավորվում է այդ ժամկետը լրանալու օրվանից մինչև վճարման օրն այդ գումարի համար վճարել պարզ տոկոսադրույք՝ չկատարման ժամանակահատվածում Եվրոպական կենտրոնական բանկի սահմանած՝ լոմբարդային ռեպոյի տոկոսադրույքի չափով՝ գումարած երեք տոկոսային կետ:
Վճարումը կհամարվի գործի վերջնական լուծում։
ԻՐԱՎՈՒՆՔԸ
Դատարանը հաշվի է առնում կողմերի միջև գործը բարեկամական ճանապարհով կարգավորելու վերաբերյալ ձեռք բերված համաձայնությունը։ Դատարանը բավարարված է, որ համաձայնությունը հիմնված է մարդու իրավունքների նկատմամբ հարգանքի վրա, ինչպես սահմանված է Կոնվենցիայով և դրան կից արձանագրություններով, և որևէ պատճառ չի տեսնում գանգատի հետագա քննությունը շարունակելու համար։
Հաշվի առնելով վերոնշյալը՝ պատշաճ է համարվում գործը քննվող գործերի ցուցակից հանելը։
Այս հիմնավորմամբ Դատարանը միաձայն՝
Որոշում է գանգատը հանել իր կողմից քննվող գործերի ցուցակից՝ Կոնվենցիայի 39-րդ հոդվածին համապատասխան:
Կատարված է անգլերենով և գրավոր ծանուցվել է 2023 թվականի փետրվարի 9-ին:
Վիկտորիա Մարադուդինա՝
Քարտուղարի տեղակալի պաշտոնակատար
Անյա Սիբերտ Ֆուա՝
Նախագահ
ՀԱՎԵԼՎԱԾ
Կոնվենցիայի 6-րդ հոդվածի 1-ին կետի և 8-րդ հոդվածի համաձայն ներկայացված բողոքներ պարունակող գանգատ
(քաղաքացիական գործով վարույթի չափազանց երկար տևողության և ընտանեկան կյանքը հարգելու իրավունք)
Գանգատ թիվ
Ներկայացման
ամսաթիվը Դիմումատուի անունը
Ծննդյան թիվը Ներկայացուցչի անունն ու գտնվելու վայրը Կառավա-րության հայտարա-րությունն ստանալու ամսաթիվը Դիմումատուի հայտարա-րությունն ստանալու ամսաթիվը Յուրաքանչյուր դիմումատուի նյութական և ոչ նյութական վնասի, ինչպես նաև ծախսերի և ծախքերի համար շնորհվող գումարը(եվրոյով).1
13184/21
2012 թվականի մարտի 2 Աշոտ ՂԱԶԱՐՅԱՆ 1983 Աշոտ Ապրեսյան Երևան 2021 թվականի նոյեմբերի 24 2022 թվականի ապրիլի 19 5000
_______________
.1 Գումարած դիմումատուից գանձման ենթակա ցանկացած հարկ: