«Գրանցված է»
ՀՀ արդարադատության
նախարարության կողմից
1 դեկտեմբերի 2003 թ.
Պետական գրանցման թիվ 05003361
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
11 նոյեմբերի 2003 թ. N 383-Ն
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2003 ԹՎԱԿԱՆԻ ԱՊՐԻԼԻ 29-Ի ԹԻՎ 166-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 7.1 գլուխը, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի պահանջներով՝ Հայաստանի Հանրապետության կենտրոնական բանկի խորհուրդը որոշում է.
1. Հայաստանի Հանրապետության կենտրոնական բանկի խորհրդի 2003 թվականի ապրիլի 29-ի ««Ֆիզիկական անձանց բանկային ավանդների և հաշիվների պարտադիր երաշխավորման մասին» կանոնակարգ 20-ը հաստատելու մասին» թիվ 166-Ն որոշմամբ հաստատված կանոնակարգում (այսուհետև՝ կանոնակարգ) կատարել հետևյալ փոփոխությունները.
ա) կանոնակարգի 3-րդ կետը շարադրել հետևյալ խմբագրությամբ.
«3. Ավանդների երաշխավորման հատուկ հիմնադրամի (այսուհետև՝ հիմնադրամ) միջոցների հաշվին երաշխավորվում են նաև ֆիզիկական անձանց դրամային և արտարժութային բանկային հաշիվները՝ սույն կանոնակարգով սահմանված կարգով և պայմաններով».
բ) կանոնակարգի 15-րդ կետը շարադրել հետևյալ խմբագրությամբ.
«15. Հիմնադրամի միջոցները կառավարում է Հայաստանի Հանրապետության կենտրոնական բանկը՝ Հայաստանի Հանրապետության կենտրոնական բանկի խորհրդի որոշմամբ սահմանված կարգով և պայմաններով».
գ) կանոնակարգի 16-րդ կետն ուժը կորցրած ճանաչել.
դ) կանոնակարգի 20-րդ կետի երկրորդ պարբերությունը շարադրել հետևյալ խմբագրությամբ.
«Սույն կետով սահմանված տեղեկատվության ներկայացման ձևը բանկին է ներկայացնում «Ֆիզիկական անձանց ավանդների երաշխավորման ֆոնդ» հիմնարկը՝ ստեղծված Կենտրոնական բանկի նախագահի 20.03.2003 թ. թիվ 1/92Լ որոշմամբ այսուհետև՝ հիմնարկ, երաշխավորված գումարի ստացման դեպքը տեղի ունենալուց հետո երկօրյա ժամկետում»:
2. Սույն որոշումն ուժի մեջ է մտնում հրապարակմանը հաջորդող տասներորդ օրվանից:
ՀՀ կենտրոնական
բանկի նախագահ` Տ. Սարգսյան
2003 թ. նոյեմբերի 17
Երևան