ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
8 նոյեմբերի 2022 թվականի թիվ 171 քաղ. Մոսկվա
«ԿՈԿՈՍԻ ԿԱԹ» ՍՆՆԴԱՄԹԵՐՔԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ
Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.
1. «Կոկոսի կաթ» սննդամթերքը, որը հնդկընկույզի պտղամսի ջրային լուծամզման միջոցով ստացված և ջրով մինչև բուսական յուղի համապատասխան պարունակությունը նոսրացված (անյուղ կոկոսի կաթի համար 5 տոկոսից ոչ պակաս կամ կոկոսի կաթի համար 10 տոկոսից ոչ պակաս, բայց 20 տոկոսից ոչ ավելի), սննդային հավելումների (կայունարարների, էմուլգատորների) ավելացմամբ էմուլսիա է, օգտագործվում է խոհարարական նպատակներով, Արտաքին տնտեսական գործունեության ապրանքային անվանացանկի մեկնաբանման 1-ին հիմնական կանոնին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 2106 ապրանքային դիրքում։
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
Եվրասիական տնտեսական հանձնաժողովի կոլեգիայի նախագահի ժ/պ՝ Վ. Նազարենկո
Պաշտոնական հրապարակման օրը՝ 5 մայիսի 2023 թվական: