ՀՀ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎԻ ՈՐՈՇՈՒՄԸ «ՍՅՈՒՆԻՔ» ԲԱՐԵԳՈՐԾԱԿԱՆ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆԸ ՓՈՔՐ ՀԷԿ-Ի ԿԱՌՈՒՑՄԱՆ ԼԻՑԵՆԶԻԱ ՏՐԱՄԱԴՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ

Ո Ր Ո Շ ՈՒ Մ

25 փետրվարի 2000 թվականի N 4

քաղ. Երևան

«ՍՅՈՒՆԻՔ» ԲԱՐԵԳՈՐԾԱԿԱՆ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆԸ ՓՈՔՐ ՀԷԿ-Ի ԿԱՌՈՒՑՄԱՆ ԼԻՑԵՆԶԻԱ ՏՐԱՄԱԴՐԵԼՈՒ ՄԱՍԻՆ

Հիմք ընդունելով «Էներգետիկայի մասին» ՀՀ օրենքի 13-րդ հոդվածի զ), 15-րդ հոդվածի ա) կետերը և ՀՀ էներգետիկայի հանձնաժողովի 1998 թվականի օգոստոսի 28-ի N 39 որոշմամբ սահմանված կարգը, ՀՀ էներգետիկայի հանձնաժողովը որոշում է.

1. Բավարարել «Սյունիք» բարեգործական հասարակական կազմակերպության ներկայացրած հայտը և տրամադրել Վայոց ձորի մարզի Հերմոն գյուղում` Եղեգիս գետի վրա, «Եղեգիս» փոքր ՀԷԿ-ի կառուցման լիցենզիա` մեկ տարի գործողության ժամկետով:

2. Հաշվի առնելով, որ ՀԷԿ-ի կառուցման ծախսերը իրականացվելու են բարեգործական գումարների հաշվին, և կառուցումից հետո էլեկտրական էներգիայի առք ու վաճառք չի կազմակերպվելու, արտադրվող էլեկտրաէներգիան օգտագործվելու է միայն բարեգործական նպատակով և սեփական կարիքների համար, «Սյունիք» ԲՀԿ-ից ֆինանսական երաշխիք չպահանջել:

3. Ընդունել ի գիտություն, որ «Սյունիք» ԲՀԿ-ի լիցենզիան սահմանված կարգով կգրանցվի և ուժի մեջ կմտնի օրենքով սահմանված տուրքի վճարումը հաստատող փաստաթուղթը ՀՀ էներգետիկայի հանձնաժողով ներկայացնելուց հետո:

ՀՀ էներգետիկայի հանձնաժողովի

նախագահ` Վ. Մովսեսյան