ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ
Ո Ր Ո Շ ՈՒ Մ
5 ապրիլի 2000 թվականի N 8
քաղ. Երևան
«ԷՆԵՐԳԻԱ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆԸ (ՀԱՐԿԱՅԻՆ ԴԱՍԻՉ` 02504088) ԷԼԵԿՏՐԱԿԱՆ ԷՆԵՐԳԻԱՅԻ ԱՐՏԱԴՐՈՒԹՅԱՆ ԼԻՑԵՆԶԻԱ ՏՐԱՄԱԴՐԵԼՈՒ ՄԱՍԻՆ
Հիմք ընդունելով «Էներգետիկայի մասին» ՀՀ օրենքի 20-րդ հոդվածի «բ» ենթակետը և 42-րդ հոդվածը, ՀՀ էներգետիկայի հանձնաժողովի 1998թ. օգոստոսի 28-ի N 39 որոշմամբ սահմանված կարգը, ՀՀ էներգետիկայի հանձնաժողովի 1999 թվականի դեկտեմբերի 2-ի «Էներգիա» սահմանափակ պատասխանատվությամբ ընկերությանը (հարկային դասիչ` 02504088) փոքր ՀԷԿ-երի կասկադի կառուցման լիցենզիա տրամադրելու մասին» N 36 որոշումը և ելնելով սպառողներին հուսալի ու անվտանգ էլեկտրաէներգիայի մատակարարման ապահովման անհրաժեշտությունից, ՀՀ էներգետիկայի հանձնաժողովը որոշում է.
1. Բավարարել «Էներգիա» սահմանափակ պատասխանատվությամբ ընկերությանը (հարկային դասիչ` 02504088) գործունեության լիցենզիա տրամադրելու վերաբերյալ ընկերության ներկայացրած հայտը և տրամադրել «Ապարան-Երեւան» ջրատարի վրայի փոքր ՀԷԿ-երի կասկադի «ՀԷԿ-1»-ում և «ՀԷԿ-3»-ում էլեկտրական էներգիայի արտադրության լիցենզիա` 15 տարի գործողության ժամկետով:
2. «Ապարան-Երեւան» ջրատարի վրայի «Էներգիա» ՍՊԸ-ի փոքր ՀԷԿ-երի կասկադի «ՀԷԿ-1»-ից և «ՀԷԿ-3»-ից առաքվող մեկ կՎտժ էլեկտրական էներգիայի սակագինը սահմանել 8.90 դրամ` ներառյալ ավելացված արժեքի հարկը:
ՀՀ էներգետիկայի հանձնաժողովի նախագահ Վ. Մովսեսյան