ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԷՆԵՐԳԵՏԻԿԱՅԻ ԿԱՐԳԱՎՈՐՈՂ ՀԱՆՁՆԱԺՈՂՈՎ
23 նոյեմբերի 2001 թ.
ք. Երևան N 61
Ո Ր Ո Շ ՈՒ Մ
«ԲԱՐՁՐԱՎՈԼՏ ԷԼԵԿՏՐԱՑԱՆՑԵՐ» ՓԲԸ-Ի ՀԱՇՎԵԿՇՌՈՒՄ ԳՏՆՎՈՂ 110 ԿՎ ԵՆԹԱԿԱՅԱՆՆԵՐԸ ԷԼԵԿՏՐԱԷՆԵՐԳԻԱ ԲԱՇԽՈՂ ԸՆԿԵՐՈՒԹՅՈՒՆՆԵՐԻՆ ՀԱՆՁՆԵԼՈՒՆ ՀԱՄԱՁԱՅՆՈՒԹՅՈՒՆ ՏԱԼՈՒ ՄԱՍԻՆ
Հիմք ընդունելով «Էներգետիկայի մասին» ՀՀ օրենքի 27-րդ հոդվածի 3-րդ կետը, հաշվի առնելով ՀՀ կառավարության 2001 թվականի նոյեմբերի 5-ի (1069 որոշումը և «Բարձրավոլտ էլեկտրացանցեր» ՓԲԸ-ի 2001 թվականի նոյեմբերի 22-ի (01-12/267 գրությունը, ՀՀ էներգետիկայի կարգավորող հանձնաժողովը որոշում է.
Տալ համաձայնություն «Բարձրավոլտ էլեկտրացանցեր» ՓԲԸ-ի հաշվեկշռում գտնվող 110 կՎ ենթակայանները հանձնելու էլեկտրաէներգիա բաշխող ընկերություններին:
ՀՀ էներգետիկայի կարգավորող հանձնաժողովի նախագահ`
Վ. Մովսեսյան